ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ လပွတ္တာဦးစီးမှူးရုံး၊ မြို့နယ်ဦးစီးမှူးဦးမြင့်ဌေးသည် (၆.၆.၂၀၂၃)ရက်နေ့ နံနက်(၁၀:၀၀)နာရီက လပွတ္တာမြို့နယ် သင်္ဃန်းကြီးကားလမ်းဘေးရှိ မဟာမြိုင်ဆန်စက်သို့သွားရောက်၍ ဆန်/ စပါး၏ ဈေးကွက်အခြေအနေနှင့် စီးဝင်/ စီးထွက်အခြေအနေများအား ကွင်းဆင်းလေ့လာဆောင်ရွက်ခဲ့ပါသည်။
ထိုသို့ကွင်းဆင်းလေ့လာဆောင်ရွက်ရာတွင် မြို့နယ်ဦးစီးမှူးမှ ကုန်သွယ်မှုဖွံ့ဖြိုးတိုးတက်ရေးရည်ရွယ်ချက်ဖြင့် ဆန်စက်ပိုင်ရှင်နှင့်တွေ့ဆုံ၍ လက်ရှိဖြစ်ပေါ်နေသော ဆန်စပါးဈေးကွက်၊ ဈေးနှုန်းအခြေအနေ၊ စီးဝင်/စီးထွက်အခြေအနေများ မေးမြန်းစုံစမ်းခဲ့ရာ ဆန်စက်ပိုင်ရှင်က နွေစပါးပေါ်ချိန်တွင် ရာသီအမှီဝယ်ယူခြင်း၊ သိုလှောင်ခြင်းများ စနစ်တကျပြုလုပ်လျက်ရှိကြောင်း ဈေးနှုန်းမှန်ကန်မှုရှိစေရေးနှင့် အများနည်းတူ စက်ပိုင်များအနေဖြင့် ဝယ်ယူသိုလှောင်မှုများပြုလုပ်နေရကြောင်း၊ ဆွေးနွေးပြောကြားမှုအရ သိရှိရပါသည်။ ထို့နောက်ဆန်စက်လည်ပတ်မှု အခြေအနေနှင့် မီးဘေးလုံခြုံရေး စနစ်တကျ ထားရှိမှုများ၊ ဆန်/စပါးများသိုလှောင်ထားရှိမှု စနစ်တကျရှိစေရေး၊ တောင်သူများထံမှ စပါးများဝယ်ယူရာတွင်လည်း ဈေးနှုန်း၊ အလေးတင်း၊ တောင်း၊ အချိန်အတွယ်မှန်ကန်စွာဝယ်ယူနိုင်ရေးနှင့် မလိုလားအပ်သော ပြဿနာများမဖြစ်ပေါ်စေရေး အလေးထားဆောင်ရွက်ကြရန် သဘာဝဘေးအန္တရာယ်ကျရောက်မှုဖြစ်ပေါ်လာပါက ဆန်စပါးများ ရေမစိုစေရေးအတွက် စီမံထားရှိရန်၊ သဘာဝဘေးနှင့်ရင်ဆိုင်ရလျှင် မိမိဒေသအတွက် ကူညီဆောင်ရွက်ပေးကြစေရန်နှင့် MSMEs လုပ်ငန်းများ ဖွံ့ဖြိုးတိုးတက်စေရန်အတွက် စက်ပိုင်၊ ကုန်သည်၊ တောင်သူတို့နှင့် ပူးပေါင်းဆောင်ရွက်မှသာ အောင်မြင်မည်ဖြစ်ကြောင်း ရှင်းလင်းဆွေးနွေးတိုက် တွန်းမှာကြားခဲ့ကြောင်း သိရှိရပါသည်။
DOCA(ဧရာဝတီ)