၂၀၂၃ခုနှစ် ၊ ဇွန်လ၂၃ရက်နေ့၊ နံနက်(၁၀း၃၀)တွင် သူနာပြုသင်တန်းကျောင်း(ထားဝယ်)တွင် တနင်္သာရီတိုင်းဒေသကြီး ၊ စားသုံးသူရေးရာဦးစီဌာနနှင့် အစားအသောက်နှင့်ဆေးဝါးကွပ်ကဲရေး ဦးစီးဌာနတို့ပူးပေါင်း၍ စားသုံးသူကာကွယ်ရေးဥပဒေအကြောင်း သိကောင်းစရာများကို ဟောပြော ဆွေးနွေးပွဲ ကျင်းပပြုလုပ်ခဲ့ပါသည်။
ထိုသို့ကျင်းပပြုလုပ်ရာ၌ သူနာပြုသင်တန်းကျောင်းမှ ကျောင်းအုပ်ဆရာမကြီးက အဖွင့်အမှာစကားပြောကြားပြီး စားသုံးသူရေးရာဦးစီးဌာနမှ တိုင်းဒေသကြီးဦးစီးမှူးဦးတင်အောင်ကျော်က စားသုံးသူပြည်သူများ၊ စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေပါ စားသုံးသူအခွင့်အရေးနှင့် စားသုံးသူ၏တာဝန်များ၊ စီးပွားရေးလုပ်ငန်းရှင်၏တာဝန်များ စားသုံးသူပြည်သူများ ကုန်စည်နှင့်ဝန်ဆောင်မှုများကို ဝယ်ယူသုံးဆောင်ရာတွင် ဘေးအန္တရာယ်ကင်းရှင်းစေရေး၊ စားသုံးသူ၏နစ်နာဆုံးရှုံးမှုများအတွက် တိုင်ကြားနိုင်သည့်နည်းလမ်းများကိုလည်းကောင်း၊ အစားအသောက်နှင့်ဆေးဝါးကွပ်ကဲရေးဦးစီးဌာနမှ ဦးစီးအရာရှိ ဦးတင်မောင်ထွေးက ဆီစားသုံးမှုလျော့ချရေးနှင့် ကျန်းမာရေးနှင့် ညီညွတ်စွာနေထိုင်စားသောက်ရေးအကြောင်းကိုလည်းကောင်း ဆွေးနွေးဟောပြောခဲ့ကြပြီး စားသုံးသူအသိပညာ လက်ကမ်းစာစောင်များကိုလည်း ဖြန့်ဝေပေးခဲ့ပါသည်။
အခမ်းအနားသို့ သူနာပြုတက္ကသိုလ်(ထားဝယ်)မှ ကျောင်းအုပ်ဆရာမကြီးနှင့် ဆရာမများ ၊ ကျောင်းသား/ကျောင်းသူများ၊ အင်အား(၈၅)ဦးခန့် တက်ရောက်ခဲ့ပြီး အခမ်းအနားကို နေ့လယ် (၁၂း၀၀) နာရီတွင် ရုတ်သိမ်းခဲ့ကြောင်း သိရှိရပါသည်။
DOCA(တနင်္သာရီ)