ပဲခူးတိုင်းဒေသကြီး၊ ညောင်လေးပင်မြို့အတွင်း တိုင်းဒေသကြီးအစိုးရအဖွဲ့၏ စီစဉ်ကြီးကြပ်မှုဖြင့် စားသုံးသူပြည်သူများစားဝတ်နေရေးအဆင်ပြေစေရန်အတွက် သက်သာသောနှုန်းထားဖြင့် ဆန်နှင့်ဆီများရောင်းချပေးလျက်ရှိကြောင်းသိရှိရပါသည်။
စားသုံးသူပြည်သူများကို တစ်ဦးလျှင် ဆန်တစ်ပြည်နှင့် ဆီတစ်ဘူးနှုန်းစီဖြင့်ရောင်းချပေးပါသည်။ ဆန်တစ်ပြည်လျှင် (၂၇၀၀/-) ကျပ်၊ ဆီ ၅၀ကျပ်သားတစ်ဘူးလျှင် (၂၇၀၀/-) ကျပ်နှုန်းဖြင့် ညောင်လေးပင်မြို့မ (၁) ရပ်ကွက်၊ လွတ်လပ်ရေးကျောက်တိုင်ကွင်းအတွင်း (၂၅-၇-၂၀၂၃) ရက်နေ့တွင် ရောင်းချပေးလျက်ရှိကြောင်းသိရှိရပါသည်။ မြို့နယ်အတွင်း အခြေခံလူတန်းစားများကို သက်သာသောဈေးနှုန်းဖြင့်ရောင်းချပေးရာတွင် မြို့နယ်စည်ပင်သာယာရေးအဖွဲ့၊ စားသုံးသူရေးရာဦးစီးဌာနအဖွဲ့နှင့် ငါးလုပ်ငန်းအဖွဲ့မှ ဝန်ထမ်းများပူးပေါင်းပါဝင်ကူညီဆောင်ရွက်၍ ရောင်းချပေးခဲ့ကြောင်းသိရှိရပါသည်။
DOCA(ပဲခူး)