စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ ဦးစီးအရာရှိ၊ ဦးမျိုးဝင်းနိုင်နှင့် ဝန်ထမ်းများသည် ၇-၈-၂၀၂၃ ရက်နေ့ နံနက် ၁၀:၀၀ နာရီ အချိန်တွင် ဘားအံမြို့ အမှတ်(၅)ရပ်ကွက်၊ အောင်နန်း(၁)လမ်း၊ ဘားအံမြို့ရှိ အခြေခံပညာအထက်တန်းကျောင်း အ.ထ.က (ခွဲ) - ၃ ကျောင်းအစည်းဝေးခန်းမတွင် ကျောင်းသား၊ ကျောင်းသူ၊ ဆရာ၊ ဆရာမများကို စားသုံးသူကာကွယ်ရေးဆိုင်ရာ အသိပညာပေးဟောပြောခဲ့ကြောင်း သိရှိရသည်။
အဆိုပါဟောပြောပွဲတွင် စားသုံးသူရေးရာဦးစီးဌာန၊ ဦးစီးအရာရှိ၊ ဦးမျိုးဝင်းနိုင်က ကျောင်းသား၊ ကျောင်းသူ၊ ဆရာ၊ ဆရာမများကို အစားအသောက်များဝယ်ယူစားသုံးရာတွင် စနစ်တကျရွေးချယ်ဝယ်ယူစားသုံး တတ်စေရန် အတွက် ညွှန်ကြားချက်အမှတ် ၂/၂၀၁၉ တွင် ထုတ်ပြန်ထားသော ကုန်အညွှန်းအမှတ်အသားတွင် မြန်မာလိုအသေးစိတ်ဖော်ပြရမည့်အချက်များကို နမူနာမုန့်ထုပ်များဖြင့် လက်တွေ့သရုပ်ပြရှင်းလင်းဆွေးနွေးပြောကြားခဲ့ပြီး၊ ဆက်လက်၍ စားသုံးသူရေးရာဦးစီးဌာန၊ ဒု-ဦးစီးမှူး၊ ဒေါ်နန်းပွင့်စန်းစန်းက စားသုံးသူကာကွယ်ရေး ၂၀၁၉ ဥပဒေ အခန်း(၉)တွင်ပါဝင်သော စားသုံးသူအခွင့်အရေးနှင့်တာဝန်များအကြောင်းကို အသေးစိတ်ရှင်းလင်း ဆွေးနွေး ပြောကြားခဲ့ပါသည်။
ဟောပြောပွဲတွင် Grade -7, Grade -8, Grade -9, Grade -10, Grade -11 မှ ကျောင်းသား၊ ကျောင်းသူ ၂၃၀ ဦးနှင့် ဆရာ၊ ဆရာမ ၂၅ ဦး၊ စုစုပေါင်း ၂၅၅ ဦးတက်ရောက်ခဲ့ကြပြီး တက်ရောက်လာသူများကို လက်ကမ်းစာစောင်များဖြန့်ဝေခဲ့ကြပြီး ဟောပြောပွဲကို ၁၁:၃၀ နာရီအချိန်တွင် ရုပ်သိမ်းခဲ့ကြောင်း သတင်းရရှိသည်။
DOCA (ကရင်)