စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ၂၀၂၃ခုနှစ်၊ ဩဂုတ်လ(၂၉)ရက်နေ့၊ နံနက် (၁၀:၀၀) နာရီအချိန်တွင် လွိုင်ကော်ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ Community Center ၌ စားသုံးသူကာကွယ်ရေးအသိပညာပေး Talk Show ဆွေးနွေးပွဲဆောင်ရွက်ခဲ့ပါသည်။
အဆိုပါ ဆွေးနွေးပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ခရိုင်ဦးစီးမှူး ဦးကျော်စွာမြင့်က စားသုံးသူကာကွယ်ရေး Talk Show ဆောင်ရွက်ရခြင်း၏ရည်ရွယ်ချက်၊ ဌာန၏ဆောင်ပုဒ်၊ မျှော်မှန်းချက်နှင့်ရည်မှန်းချက်ကိုလည်းကောင်း၊ စားသုံးသူကာကွယ်ရေးနှင့်စပ်လျဉ်း၍ ဌာန၏ဆောင်ရွက်နေမှုအခြေအနေများအားလည်းကောင်း၊ စားသုံးသူအခွင့်အရေးနှင့် တာဝန်များအားလည်းကောင်း၊ စားသုံးသူနစ်နာဆုံးရှုံးမှုဖြစ်ပေါ်စေသည့် အကြောင်းအရာများအားလည်းကောင်း၊ ဆက်သွယ်တိုင်ကြားနိုင်သည့်နည်းလမ်းများအားလည်းကောင်း ဆွေးနွေးမေးမြန်းရာ စားသုံးသူရေးရာဦးစီးဌာန၊ ဒေါ်နော်ကြူကြူ(ဒု-ဦးစီးမှူး)က စားသုံးသူကာကွယ်ရေးအသိပညာပေး Talk Show ပြုလုပ်ရသည့်ရည်ရွယ်ချက်ကို ရှင်းလင်းပြောကြားခဲ့ပြီး စားသုံးသူကာကွယ်ရေးနှင့်စပ်လျဉ်း၍ ဌာန၏ ဆောင်ရွက်နေသည့်အခြေအနေများကိုလည်းကောင်း၊ ဌာန၏ ဆောင်ပုဒ်၊ မျှော်မှန်းချက်နှင့် ရည်မှန်းချက်ကိုလည်းကောင်း၊ စားသုံးသူပြည်သူများ မိမိတို့၏အခွင့်အရေးကို အပြည့်အဝနားလည်ပြီး တောင်းဆိုရယူတတ်စေရန်အတွက် စားသုံးသူအခွင့်အရေး(၈)ချက်နှင့် တာဝန်(၄)ချက်ကိုလည်းကောင်း၊ စားသုံးသူနစ်နာဆုံးရှုံးမှုများရှိပါက စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ (CICC) သို့ လူကိုယ်တိုင်ဖြစ်စေ၊ Website မှ ဖြစ်စေ၊ Doca Myanmar application များမှဖြစ်စေ ဆက်သွယ်တိုင်ကြားနိုင်ပါကြောင်း၊ Consumer call center (၁၅၃၅) နံပါတ်များသို့ခေါ်ဆို၍ ဆက်သွယ်စုံစမ်းမေးမြန်းနိုင်ပါကြောင်း အကျယ်တဝင့်ရှင်းလင်းဆွေးနွေးဆောင်ရွက်ခဲ့ကြောင်း သတင်းရရှိပါသည်။
DOCA(ကယား)