ဧရာဝတီတိုင်းဒေသကြီး အစိုးရအဖွဲ့၏ လမ်းညွှန်မှုဖြင့် စားသုံးသူရေးရာဦးစီးဌာနနှင့် ဆန်လုပ်ငန်း ရှင်များအသင်း၊ ဆီလုပ်ငန်းရှင်များအသင်းတို့နှင့် ပူးပေါင်း၍ ဒေသခံ အခြေခံ လူတန်းစားများ စားဝတ်နေရေး အဆင်ပြေစေရန် ရည်ရွယ်၍ (၅.၉.၂၀၂၃) ရက်နေ့ နံနက် (၀၇:၀၀) နာရီ အချိန်တွင် ဓနုဖြူမြို့နယ် ရပ်ကွက်များသို့ လှည့်လည်၍ အရည်အသွေးသင့်တင့်ကောင်းမွန်သော Export Quality ဧည့်မထဆန် စားသုံးသူပြည်သူများ ဈေးနှုန်းသက်သာစွာ ဝယ်ယူစားသုံးနိုင်ရေးအတွက် ဓနုဖြူမြို့နယ် အထွေထွေအုပ်ချုပ်ရေးဦးစီးဌာနမှ မြို့နယ်အုပ်ချုပ်ရေးမှူးနှင့် ဝန်ထမ်းများ၊ မြို့နယ်စားသုံးသူရေးရာဦးစီးဌာနမှ မြို့နယ်ဦးစီးမှူး ဦးဝင်းမင်းစိုးနှင့် ဝန်ထမ်းများ ပူးပေါင်း၍ ရောင်းချခြင်းလုပ်ငန်းကို ပါဝင်ဆောင်ရွက်ခဲ့ပါသည်။
အဆိုပါ ရောင်းချပွဲတွင် ဓနုဖြူမြို့နယ်ရှိ ဒေသခံအခြေခံလူတန်းစားများ စားဝတ်နေရေး အဆင်ပြေစေရန်အတွက် ဧည့်မထဆန်(၁)ပြည်လျှင် ကျပ်(၂၅၀၀)နှုန်းဖြင့် အပတ်စဉ် အင်္ဂါနေ့နှင့် သောကြာနေ့တိုင်း ရောင်းချပေးခဲ့ပါသည်။ လူတစ်ဦးလျှင် ဆန်တစ်ပြည်နှုန်းဖြင့် တစ်နေ့ (၁၀)အိတ်နှုန်း ဖြင့် ရပ်ကွက်အလိုက် ရောင်းချပေးနိုင်ခဲ့ပါသည်။
ဓနုဖြူမြို့နယ် ဆီလုပ်ငန်းရှင်များအသင်းမှလည်း စားအုန်းဆီများရောင်းချရာတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီမှ ထုတ်ပြန်ပေးလျက်ရှိသောစားအုန်းဆီ တစ်ပိဿာရည်ညွှန်းဈေးအပေါ် အခြေခံ၍ သယ်ယူပို့ဆောင်ခအပါ ကုန်ကျစရိတ်တွင် အမြတ် ၂ ရာခိုင်နှုန်းတွက်ချက်၍ ရောင်းချပေးခြင်းဖြစ်ပြီး လူတစ်ဦးလျှင် ၁ ပိဿာနှုန်းဖြင့် ရောင်းချပေးကြောင်း သိရသည်။ (၃.၉.၂၀၂၃)ရက်နေ့မှ (၅.၉.၂၀၂၃) ရက်နေ့ထိ စားအုန်း ဆီပိဿာချိန် (၆၇၁၀) ပိဿာခန့် တစ်ပိဿာလျှင် ၄၆၀၀ ကျပ်ဖြင့် ရောင်းချပေးခဲ့ကြောင်း သိရှိရပါသည်။
DOCA(ဧရာဝတီ)