၉.၉.၂၀၂၃ ရက်နေ့၊ နံနက် (၀၇:၀၀) နာရီအချိန်တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံးမှ ဝန်ထမ်းများသည် သက်ဆိုင်ရာဌာနများနှင့် ပူးပေါင်း၍ မော်လမြိုင်မြို့၊ အထွေထွေရောဂါကု ပြည်သူ့ဆေးရုံကြီးနှင့် အမျိုးသမီးနှင့်ကလေးအထူးကုဆေးရုံကြီးတို့တွင် သစ်ကိုင်းများ၊ ခြုံနွယ်ပိတ်ပေါင်းများ ခုတ်ထွင်ရှင်းလင်းခြင်း ၊ စုပေါင်းသန့်ရှင်းရေးဆောင်ရွက်ခြင်းတို့တွင် ပူးပေါင်း ဆောင်ရွက်ခဲ့ကြောင်း သိရှိရသည်။
အဆိုပါ စုပေါင်းသန့်ရှင်းရေးဆောင်ရွက်ရာသို့ ပြည်နယ်ဝန်ကြီးချုပ်၊ ပြည်နယ်အစိုးရအဖွဲ့ဝင် ဝန်ကြီးများ၊ ပြည်နယ်အဆင့်ဌာနဆိုင်ရာများ၊ လူမှုရေးအသင်းအဖွဲ့များက လာရောက်အားပေး ကြည့်ရှုခဲ့ပြီး ပြည်နယ်ဝန်ကြီးချုပ်က “ပြည်နယ်အတွင်းမှာရှိတဲ့ ပြည်နယ်/ခရိုင်/မြို့နယ်အဆင့် ဆေးရုံများ၊ တိုက်နယ်ဆေးရုံများမှာ ဆေးရုံအင်္ဂါရပ်နဲ့ကိုက်ညီပြီး ဥပဓိရုပ်ကောင်းမွန်စေရေး၊ သန့်ရှင်းသာယာ လှပမှုရှိစေရေး၊ သန့်ရှင်းပြီး စိမ်းလန်းစိုပြေစေရေး ဝိုင်းဝန်းဆောင်ရွက်ကြရန်၊ ဆေးရုံတွေ သန့်ရှင်းသာယာလှပပြီး ပြည်သူတွေစိတ်အေးချမ်းမြေ့စွာနဲ့ ဆေးဝါးကူသမှုခံယူနိုင်စေဖို့ ကျန်းမာရေး စောင့်ရှောက်မှုတွေကို အရည်အသွေးပြည့်မီစွာရရှိစေရေး ဆောင်ရွက်ပေးကြရန်” လမ်းညွှန်မှာကြားခဲ့ကြောင်း သိရှိရပါသည်။
DOCA(မွန်)