ပုသိမ်ခရိုင်၊ ငပုတောမြို့နယ် စားသုံးသူရေးရာဦးစီးဌာနမှ ငပုတောမြို့နယ်တရားမဝင် ကုန်သွယ်မှုစစ်ဆေးရေးအဖွဲ့သည် အဖွဲ့ဝင်မြို့နယ်စီမံအုပ်ချုပ်ရေးအဖွဲ့ဝင်များ၊ မြို့နယ်စည်ပင်သာယာရေးအဖွဲ့၊ မြန်မာနိုင်ငံရဲတပ်ဖွဲ့စသည့် မိတ်ဖက်ဌာနဆိုင်ရာများပါဝင်၍ ၂၀၂၃ခုနှစ်၊ စက်တင်ဘာလ (၁၄) ရက်နေ့တွင် မြို့ပေါ်ရှိ ကုန်မျိုးစုံရောင်းချလျက်ရှိသောဆိုင်များသို့ ဈေးကွက်စောင့်ကြည့် ကွင်းဆင်းစစ်ဆေးခဲ့ပါသည်၊၊
ထိုသို့ကွင်းဆင်းစစ်ဆေးခဲ့ရာတွင် စားသုံးသူပြည်သူများဘေးအန္တရာယ် ကင်းရှင်းစေရန်အတွက် ဈေးကွက်အတွင်း ရောင်းချနေသော ကုန်စည်များပေါ်တွင် ကုန်စည်အမျိုးအစားအလိုက် ကုန်အညွှန်းအမှတ်အသားများပြည့်စုံမှန်ကန်စွာ ဖော်ပြခြင်းရှိ/မရှိ စစ်ဆေးခဲ့ပြီး မိမိရောင်းချသော ကုန်စည်များတွင် စားသုံးသူများစိတ်ကျေနပ်မှုရှိစေရေး သတ်မှတ်ထားသော အရည်အသွေးပြည့်မီသော ကုန်စည်များ ရောင်းချခြင်းရှိ/မရှိ၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ တာဝန်များအပြင် ကုန်မျိုးစုံအရောင်းဆိုင်များတွင် တပ်မတော်ထုတ်ပစ္စည်းများ ရောင်းချခြင်းရှိ/မရှိ ဈေးကွက် စောင့်ကြည့်စစ်ဆေးခဲ့ပါသည်၊၊
DOCA(ဧရာဝတီ)