၂၃.၉.၂၀၂၃ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ ဒုပြည်နယ်ဦးစီးမှူးသည် နတ်စမ်းကျေးရွာ၌ အိမ်တွင်းစက်မှုလက်မှုဦးစီးဌာနက ပြုလုပ်ကျင်းပသော သင်တန်းဆင်းပွဲ၌ ကျေးရွာသူ/ကျေးရွာသားများအား စားသုံးသူကာကွယ်ရေးဆိုင်ရာ အသိပညာပေး ဟောပြောဆွေးနွေးပွဲ ကျင်းပပြုလုပ်ခဲ့ကြောင်း သိရှိရသည်။
အဆိုပါ ဟောပြောဆွေးနွေးပွဲတွင် စားသုံးသူရေးရာဦးစီးဌာနမှ ဒုပြည်နယ်ဦးစီးမှူး ဒေါ်မိရင်စနိုင်းမွန်မှ ကုန်စည်/ဝန်ဆောင်မှုများနှင့် စပ်လျဉ်း၍ စားသုံးသူနစ်နာဆုံးရှုံးမှုမရှိစေရေး အတွက် ဦးစီးဌာန၏ဆောင်ရွက်နေမှု၊ ကုန်စည်များဝယ်ယူရာတွင် ကုန်အညွှန်းအမှတ်အသားများကို ဦးစားပေးဖတ်ရှု့သင့်သည့်အကြောင်းများကို အကျယ်တဝင့်ဟောပြောဆွေးနွေးခဲ့ကြောင်း သိရှိရသည်။
ဟောပြောပွဲသို့ သင်တန်းသား၊ သင်တန်းသူနှင့် စီးပွားရေးလုပ်ငန်းရှင် စုစုပေါင်း (၃၀) ဦး တက်ရောက်ခဲ့ကြကြောင်း သိရှိရပါသည်။
DOCA(မွန်)