မအူပင်မြို့နယ် ဆန်စက်အသင်းရုံးတွင် ရပ်ကွက်နေပြည်သူများအား စားသုံးသူကာကွယ်ရေး အသိပညာပေးဟောပြောခြင်း

    စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ် စားသုံးသူရေးရာဦးစီးဌာနမှ မြို့နယ်ဦးစီးမှူး ဦးအောင်ဇော်ဦးနှင့် ဝန်ထမ်းများသည် မအူပင်မြို့နယ် ဆန်စက် အသင်းရုံးအစည်းအဝေးခန်းမတွင် ၇-ရပ်ကွက်နေပြည်သူ(၃၀)ဦးအား (၂၀.၉.၂၀၂၃)ရက်နေ့ နံနက်(၁၀:၀၀) အချိန်က စားသုံးသူကာကွယ်ရေး အသိပညာပေးဟောပြောခြင်းပြုလုပ်ခဲ့ကြပါသည်။ 

       ဟောပြောပွဲတွင် စားသုံးသူ‌‌‌ရေးရာဦးစီးဌာန၊ မြို့နယ်တာဝန်ခံ ဦးအောင်ဇော်ဦးက  စားသုံးကာကွယ်ရေးဥပဒေ ၂၀၁၉ ပါပြဌာန်းချက်မှ  စားသုံးသူအခွင့်အရေးနှင့်တာဝန်များအကြောင်းကိုလည်းကောင်း၊ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့် အညီအချက်အလက်ပြည့်စုံစွာပါရှိရမည်ဖြစ်ကြောင်းကိုလည်းကောင်း၊ စီးပွားရေးလုပ်ငန်းရှင်၏ တာဝန် များအကြောင်းကိုလည်းကောင်း၊ ကုန်စည် (သို့မဟုတ်) ဝန်ဆောင်မှုကို ဝယ်ယူအသုံးပြုခြင်းကြောင့် ဖြစ်ပေါ်လာသည့် နစ်နာဆုံးရှုံးမှုများနှင့် စပ်လျဉ်း၍ ကုစားခွင့်ရရှိခြင်းများအကြောင်း၊ ပြစ်မှုနှင့်ပြစ်ဒဏ်များအကြောင်း၊ စားသုံးသူမိဘပြည်သူများအနေဖြင့်လည်း စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များအကြောင်း သိရှိလိုပါက  Websiteတွင် ဝင်ရောက်လေ့လာနိုင်ကြောင်း၊ စားသုံးသူကာကွယ်ရေးကိစ္စရပ်များအား သိရှိလိုပါက Consumer Call Center 1535 သို့ဆက်သွယ်၍ ရုံးချိန်အတွင်း မေးမြန်းလေ့လာနိုင်ကြောင်း စသည့်တို့ကို အသိပညာပေးဟောပြောခဲ့ပြီး တက်ရောက်လာသူများမှလည်း သိလိုသည်များကို မေးမြန်း၍ ပြန်လည်ဖြေကြားအသိပညာပေးခဲ့ကြောင်းသတင်းရရှိပါသည်။

DOCA(ဧရာဝတီ)