ရန်ကုန်တိုင်းဒေသကြီး၊ စားသုံးသူရေးရာဦးစီးဌာန၊ ကော့မှူးမြို့နယ် တာဝန်ခံ ဦးတင်မင်းသည် မိတ်ဖက်ဌာနများနှင့်အတူ ၂၀၂၃ခုနှစ်၊ စက်တင်ဘာလ (၂၁) ရက်နေ့၊ နံနက်(၉:၀၀)နာရီအချိန်တွင် ကော့မှူးမြို့နယ်၊ မြို့မစည်ပင်သာယာဈေးအတွင်းရှိ စားသောက်ကုန်စုံ ပစ္စည်းအရောင်းဆိုင်များသို့ သွားရောက်၍ လုပ်ငန်းရှင်များကိုတွေ့ဆုံ၍ စားသုံးဆီအမျိုးမျိုး ဖြန့်ဖြူးရောင်းချ နေမှုများအား ကွင်းဆင်းစစ်ဆေး အသိပညာပေးခဲ့ကြောင်းသိရပါသည်။
ထိုသို့ကွင်းဆင်းအသိပညာပေးရာတွင် မြို့နယ်စီမံအုပ်ချုပ်ရေးအဖွဲ့မှအဖွဲ့ဝင်(၁)ဦး၊ မြို့နယ်အထွေထွေအုပ်ချုပ်ရေးဦးစီးဌာနမှ ဒုတိယမြို့နယ်အုပ်ချုပ်ရေးမှူး၊ မြို့နယ်စည်ပင်သာယာရေးဦးစီးဌာနမှ အမှုဆောင်အရာရှိ၊ မြို့နယ်ရဲတပ်ဖွဲ့မှ စခန်းမှူး၊ မြို့နယ်မီးသတ်ဦးစီးဌာနမှ မြို့နယ်ဦးစီးမှူးနှင့် မြို့နယ်စားသုံးသူရေးရာဦးစီးဌာနမှတာဝန်ခံတို့က ကော့မှူးမြို့မစည်ပင်သာယာဈေးအတွင်း/အပြင်ရှိ စားသောက်ကုန်ပစ္စည်းအရောင်းဆိုင်များမှ လုပ်ငန်းရှင်များအား ပြည်သူများထံ စားသောက်ကုန်ပစ္စည်းများနှင့် စားသုံးဆီအမျိုးမျိုး တို့ကိုရောင်းချရာတွင် ကျန်းမာရေးဘေးကင်းလုံခြုံရေးအတွက် သတ်မှတ် စံချိန်၊ စံညွှန်းများနှင့် ကိုက်ညီမှုရှိသော စားသုံးဆီများကိုသာ ဖြန့်ဖြူးရောင်းချခြင်းများ ပြုလုပ်ရန်နှင့် စားအုန်းဆီများ ရောင်းချရာတွင် စားသုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ကော်မတီ ရန်ကုန်အထိုင် အခြေခံလက်ကားရည်ညွှန်းဈေးအတိုင်း မိမိတို့ မြို့နယ်အတွင်း ဖြန့်ဖြူးရောင်းချပေးနိုင်ရေးတို့ကို လုပ်ငန်းရှင်များအား ပူးပေါင်းအဖွဲ့တွင် ပါဝင်သောဌာနဆိုင်ရာတာဝန်ရှိသူများမှ အသိပညာပေး ရှင်းလင်းဆွေးနွေးပြောကြားခဲ့သည်။
DOCA(ရန်ကုန်)