ဧရာဝတီတိုင်းဒေသကြီး၊ စားသုံးသူရေးရာဦးစီးဌာန ခရိုင်ဦးစီးမှူးရုံးနှင့် မြို့နယ်တာဝန်ခံတို့သည် ၂၀၂၃ခုနှစ်၊ အောက်တိုဘာလ ၁၆ ရက်နေ့တွင် ပုသိမ်မြို့နယ် ကြောင်ပန်းကုန်းကျေးရွာအုပ်စု၊ ကြောင်ပန်းကုန်း၊ ဇရပ်ဆိပ်၊ ကွမ်းခြံကုန်းကျေးရွာများရှိ အိမ်ထောင်စု ၅၅၀ စုအတွက် ဆန်၊ ဆီ၊ ကြက်ဥတို့ကို ပြင်ပပေါက်ဈေးနှုန်းထက် သက်သာစွာ ရောင်းချပေးခဲ့ပါသည်၊၊
ထိုသို့ရောင်းချရာတွင် စားအုန်းဆီတစ်ပိဿာ ၄၇၀၀ ကျပ်ဈေးဖြင့် ၅၅၀ ပိဿာ ၊ ဆန်တစ်ပြည် ၂၅၀၀ ကျပ်ဈေးဖြင့် ဆန် ၁၀ အိတ်၊ ကြက်ဥ (၄)လုံးလျှင် ၁၀၀၀ ကျပ်ဈေးဖြင့် အလုံးရေ ၁၀၀၀ နှင့် ဆားတစ်ပိဿာတစ်ထုပ်လျှင် ၃၀၀ ကျပ်ဖြင့် ဆား ၇၅ ပိဿာ တို့ကို ဈေးကားဖြင့်ရောင်းချရာတွင် မွေးမြူရေးနှင့်ကုသရေးဦးစီးဌာန၊ ဆားလုပ်ငန်းဦးစီးဌာနတို့နှင့်အတူ ပူးပေါင်းဆောင်ရွက်ခဲ့ကြောင်း သတင်းရရှိပါသည်၊၊
DOCA(ဧရာဝတီ)