ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ သီပေါမြို့နယ်တွင် (၁၈.၁၀.၂၀၂၃) ရက်နေ့၊ နံနက် (၁၀: ၀၀)နာရီအချိန် အနောက်ရပ်ကွက်ရှိ “စိုးစိုးဝင်း” ကိတ်နှင့် မုန့်မျိုးစုံရောင်းဝယ်ရေးလုပ်ငန်းသို့ သွားရောက်၍ ကုန်ညွှန်းအမှတ်အသားပြည့်စုံမှန်ကန်စွာထည့်သွင်းဖော်ပြစေရေးအတွက် အသိပညာပေး ဆွေးနွေးခဲ့ကြောင်းသိရှိရပါသည်။
သီပေါမြို့နယ်တာဝန်ခံ ဒေါ်လင်းလင်းထွန်းက စီးပွားရေးလုပ်ငန်းရှင်အား စားသုံးသူကာကွယ်ရေး ဥပဒေ(၂၀၁၉)၊ အခန်း(၁၈) ပါကုန်ညွှန်းအမှတ်အသားပြည့်စုံစွာဖော်ပြခြင်းနှင့် ပတ်သက်၍ စားသုံးသူများ အတွက် ဘေးအန္တရယ်ကင်းရှင်းစေပြီး သတင်းအချက်အလက်များပြည့်စုံစွာ ထည့်သွင်းဖော်ပြမှသာလျှင် စားသုံးသူများစိတ်ချစွာ အသုံးပြုလာနိုင်မည်ဖြစ်ပြီး မြန်မာနိုင်ငံ စားသုံးသူကာကွယ်ရေး ကော်မရှင်၏ ညွှန်ကြားချက်(၂/၂၀၁၉)ပါ ကုန်စည်အုပ်စု (၈) ခုတွင်ပါရှိသည့် အမှတ်စဉ်(က)ရှိ အစားအသောက်များတွင် မြန်မာဘာသာဖြင့် မဖြစ်မနေ ကုန်ညွှန်းအမှတ်သား ထည့်သွင်းဖော်ပြရမည်ဖြစ်၍ စီးပွားရေးလုပ်ငန်းရှင်များ လိုက်နာရမည့်တာဝန်ဖြစ်ကြောင်းနှင့် ဥပဒေတွင်ပြဌာန်းထားသည့် တားမြစ်ချက်များ၊ စီမံခန့်ခွဲရေးအရအရေးယူခြင်းများကို အသိပညာပေးဆွေးနွေးဆောင်ရွက်ခဲ့ပြီး လက်ကမ်းစာစောင်များ ပေးအပ်ခဲ့ကြောင်း သိရသည်။
DOCA(ရှမ်း)