ထောပတ်ပင်များသည် နှစ်ရှည်သီးနှံပင်များဖြစ်ကာ (၃)နှစ်သားအချိန်မှ စတင်အသီး သီးကြောင်းသိရသည်။ ထောပတ်သီးကို ရှမ်းပြည်နယ်(တောင်ပိုင်း)၊ ရှမ်းပြည်နယ ်(မြောက်ပိုင်း)နှင့် မန္တလေးတိုင်းဒေသကြီး(ပြင်ဦးလွင်)တို့တွင် အများဆုံးစိုက်ပျိုးကြပြီး ရှမ်းပြည်နယ် (တောင်ပိုင်း) တွင် တောင်ကြီး၊ ဟိုပုံး၊ ညောင်ရွှေ၊ ဆီဆိုင်၊ ကလော၊ ပင်းတယ၊ ရွာငံ၊ ရပ်စောက်၊ ပင်လောင်း၊ ဖယ်ခုံ၊ လွိုင်လင်တို့တွင် လည်းကောင်း၊ ရှမ်းပြည်နယ်(မြောက်ပိုင်း)တွင် လားရှိုး၊ ကွတ်ခိုင်၊ ကျောက်မဲ၊ သီပေါ၊ နောင်ချိုနှင့် မန္တလေးတိုင်းဒေသကြီး (ပြင်ဦးလွင်)တို့တွင် လည်းကောင်း စိုက်ပျိုးကြကြောင်း သိရှိရသည်။
ရှမ်းပြည်နယ်(တောင်ပိုင်း)ဒေသမှထွက်ရှိသော ထောပတ်သီးများသည် အသားထူ၍ အနံ့၊ အရသာ ကောင်းမွန်ခြင်းတို့ကြောင့် တာချီလိတ်ကုန်သွယ်ရေးဇုန်မှ ထိုင်းနိုင်ငံဈေးကွက်သို့ ထိုးဖောက်နိုင်၍ ၂၀၂၁-၂၀၂၂ဘဏ္ဍာနှစ်၏ အောက်တိုဘာလနှင့် နိုဝင်ဘာလများတွင် ထောပတ်သီး ၅၅၀၀၀၀ ကီလို တင်ပို့နိုင်ခဲ့ ပြီး နိုင်ငံခြားဝင်ငွေရရှိသည့်အပြင် ဒေသတွင်း စားသုံးမှုအနေဖြင့် နယ်စပ်မြို့ဖြစ်သော တာချီလိတ်မြို့တွင် အရောင်းအဝယ်ဖြစ်ထွန်းလျက်ရှိပြီး ထောပတ်သီး တစ်ကီလိုဈေးနှုန်းမှာ ၁၆၅၀ ကျပ်မှ ၂၅၀၀ ကျပ်ထိရှိခဲ့ပါသည်။ ယခုနှစ်တွင် တစ်ကီလိုလျှင် ၁၁၀၀ ကျပ်မှ ၁၉၀၀ ကျပ်ထိ ကျဆင်းခဲ့ကြောင်းနှင့် ရှမ်းပြည်နယ် (အရှေ့ပိုင်း)၊ မိုင်းဆတ်မြို့နယ် တွင်လည်း နိုင်ငံခြားမှတင်သွင်းသော Hazzမျိုး ထောပတ်သီးမျိုးစိတ် များကို ဧက(၅၀)ခန့် စမ်းသပ် စိုက်ပျိုးလျက်ရှိကြောင်း ဆုလှိုင်(ထောပတ်သီးရောင်းဝယ်ရေး)နှင့် ဝမ်ကောင်း (ထောပတ်သီး ရောင်းဝယ်ရေး) လုပ်ငန်းတို့မှ စုံစမ်းသိရှိရပါသည်။
စားသုံးသူရေးရာဦးစီးဌာန
ရှမ်းပြ