ဧရာဝတီတိုင်းဒေသကြီး၊ ဟင်္သာတမြို့၊ ပဒေသာဈေးတွင် ၂၀၂၁ ခုနှစ် ဒီဇင်ဘာလ (၂၁) ရက်နေ့၊ နံက် (၉:၀၀)နာရီ ၌ ၊ စားသုံးသူရေးရာဦးစီးဌာန၊ ဟင်္သာတခရိုင်ဦးစီးမှူးနှင့်အဖွဲ့၊ မြို့နယ်စည်ပင် သာယာရေး အဖွဲ့မှ တာဝန်ရှိသူများ၊ ဈေးကော်မတီဝင်များပါဝင်သော အဖွဲ့သည် ကုန်မျိုးစုံအရောင်းဆိုင်များ၊ မုန့်မျိုးစုံအရောင်းဆိုင်များကို ရှောင်တခင်စစ်ဆေးမှုများ ပြုလုပ်ခဲ့ပါသည်။
ထိုသို့စစ်ဆေးရာတွင်၊ စားသုံးသူကာကွယ်ရေး ဥပဒေ ပုဒ်မ ၄၃ အရ စီးပွားရေးလုပ်ငန်းရှင် များ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံသူကာကွယ်ရေး ကော် မရှင်ကထုတ်ပြန်သော ညွှန်ကြားချက်အမှတ်၊ ၂/၂၀၁၉ အရ ရောင်းချသော ကုန်စည်များတွင် ကုန်အညွှန်းများကို ညွှန်ကြားချက်နှင့်အညီ ဖော်ပြခြင်းရှိ/မရှိတို့ကိုစစ်ဆေးခဲ့ပြီး ၊ ဆိုင်ရှင်များ အားလည်း ညွှန်ကြားချက်နှင့်ကိုက်ညီသော ကုန်စည်များကိုသာရောင်းချရန်နှင့် စားသုံးသူအခွင့်အ ရေးနှင့် တာဝန်များကိုသိရှိ၍၊ စီးပွားရေးလုပ်ငန်းရှင်၏တာဝန်များကို လေးစားလိုက်နာရန်ဆွေးနွေး ခဲ့ပြီး၊ စားသုံးသူကာကွယ်ရေး အသိပညာပေးလက်ကမ်းစာစောင်များ ပေးအပ်ခဲ့ကာ၊ ကုန်မျိုးစုံ အရောင်းဆိုင် (၅) ဆိုင်၊ မုန့်မျိုးစုံအရောင်းဆိုင် (၂) ဆိုင်တို့အားစစ်ဆေးခဲ့ကြောင်းသတင်းရရှိပါသည်။
စားသုံးသူရေးရာဦးစီးဌာန(ဧရာဝတီတိုင်းဒေသကြီး)