ရန်ကုန်တိုင်းဒေသကြီး၊ တောင်ပိုင်းခရိုင်ဦးစီးမှူးရုံးလက်အောက်ရှိ ကော့မှူးမြို့နယ် တာဝန်ခံ ဦးတင်မင်းသည် ကော့မှူးမြို့နယ်အတွင်းရှိ ဆေးဆိုင်များတွင် ဂျာမဏီနိုင်ငံထုတ် Parbisure IV/HV Injection အကြောအားဆေးနှင့်ဆင်တူ တရားဝင်ဆေးဝါးမှတ်ပုံတင် ခွင့်ပြုချက်အမှတ် DRC No နှင့် Insent ပါရှိခြင်းမရှိသော Parbisure အမှတ်တံဆိပ်ပါ ဆေးဝါးများ စည်ပင်သာယာမြို့မဈေးဝန်းကျင်ရပ်ကွက်များရှိ ဆေးဆိုင်များကို နိုဝင်ဘာလ (၁) ရက်၊ နံနက် (၉:၀၀) နာရီအချိန်တွင် တာဝန်ရှိသူများမြေပြင် ကွင်းဆင်းစစ်ဆေးခဲ့ကြောင်း သိရပါသည်။
ထိုသို့ကွင်းဆင်းစစ်ဆေးခဲ့ရာတွင် ကော့မှူးမြို့နယ်၊ စည်ပင်သာယာရေးဦးစီးဌာနမှ ဈေးတာဝန်ခံ၊ မြို့နယ်ကျန်းမာရေးဦးစီးဌာနမှတာဝန်ရှိ ကျန်းမာရေးဆရာမနှင့် စားသုံးသူရေးရာဦး စီးဌာနမှ မြို့နယ်တာဝန်ခံ ပူးပေါင်းအဖွဲ့က ဈေးကွက်အတွင်း ထုတ်ကုန် များလုံခြုံစိတ်ချရှိစေရေးနှင့် စားသုံးသူပြည်သူများ ဘေးန္တရာယ်ကင်းရှင်းစေရေးတို့အတွက် ဂျာမဏီနိုင်ငံထုတ် Parbisure IV/HV Injection အကြောအားဆေးနှင့်ဆင်တူ တရားဝင်ဆေးဝါးမှတ်ပုံတင် ခွင့်ပြုချက်အမှတ် DRC No နှင့် Insent ပါရှိခြင်းမရှိသော Parbisure အမှတ်တံဆိပ်ပါ ဆေးဝါနှင့်ဆင်တူ၍ မြန်မာနိုင်ငံဆေးဝါးနှင့်အစားအသောက်ကွပ်ကဲရေးဦးစီးဌာနမှ မှတ်ပုံတင်အမှတ်မပါရှိသော တရားမဝင်ဆေးဝါးများ ကော့မှူးမြို့နယ်ရှိ ဆေးဆိုင်များတွင် ဝယ်ယူဖြန့်ဖြူးရောင်းချနေခြင်းရှိ/မရှိနှင့် မိမိတို့၏ဆေးဆိုင်များတွင် ရောင်းချလျက်ရှိသော ဆေးဝါးများတွင်အစားအသောက်နှင့်ဆေးဝါးကွပ်ကဲရေးဦးစီးဌာန (FDA) အသိအမှတ်ပြု ဆေးဝါးမှတ်ပုံတင်မှုရှိသောဆေးဝါးများနှင့် စားသုံးသူများ ထိခိုက်နစ်နာမှုမရှိသော ဆေးဝါးများကိုသာ ဝယ်ယူဖြန့်ဖြူးရောင်းချပေးနိုင်ရေးတို့နှင့် တရားမဝင်ရောင်းဝယ်ဖောက်ကားမှုဥပဒေနှင့်အညီ အရေးယူခံရမည်ဖြစ်ပါကြောင်း အသိပညာပေး ဟောပြောခဲ့ပြီး ရှောင်တခင် ဈေးကွက်စောင့်ကြည့် မြေပြင်ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ကြောင်း သိရှိရပါသည်။
DOCA(ရန်ကုန်)