စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးမှ ဝန်ထမ်းများသည် ဌာနဆိုင်ရာဝန်ထမ်းများနှင့် ပူးပေါင်း၍ ၂၀၂၃ခုနှစ်၊ နိုဝင်ဘာလ ၄ ရက်နေ့ နံနက် (၇:၀၀)နာရီအချိန်တွင် ရွှေဘိုမြို့၊ အမှတ်(၁)၊ အခြေခံပညာအထက်တန်းကျောင်း၌ စုပေါင်းသန့်ရှင်းရေး ဆောင်ရွက်ပြီးနောက် စစ်ကိုင်းတိုင်းဒေသကြီးအစိုးရအဖွဲ့၏ လမ်းညွှန်မှုအရ ခရိုင်စီမံအုပ်ချုပ်ရေးရာအဖွဲ့၏ ကြီးကြပ်မှုဖြင့် ဌာနဆိုင်ရာ ဝန်ထမ်းများနှင့် ဒေသခံပြည်သူများအား စားဝတ်နေရေး အထောက်အပံ့ဖြစ်စေရန်အတွက် အခြေခံစားသောက်ကုန်များအား ဈေးနှုန်းချိုသာစွာဖြင့် ရောင်းချခဲ့ပါသည်။
အဆိုပါ စုပေါင်းသန့်ရှင်းရေးဆောင်ရွက်ရာသို့ ခရိုင်စီမံအုပ်ချုပ်ရေးအဖွဲ့ဥက္ကဋ္ဌနှင့် အဖွဲ့ဝင်များ၊ ခရိုင်အဆင့်ဌာနဆိုင်ရာများ၊ လူမှုရေးအသင်းအဖွဲ့များအားလုံးက ဝိုင်းဝန်း၍ စုပေါင်းသန့်ရှင်းရေး ဆောင်ရွက်ပြီးနောက် တန်ဖိုးသင့်စားသောက်ကုန်များဖြစ်သည့် ဆန်(၁)ပြည်လျှင် (၂၅၀ဝိ)/-ကျပ်၊ ဆီ (၅၀)ကျပ်သား တစ်ဘူးလျှင်(၂၅၀ဝိ/)-ကျပ်၊ ကြက်သား (၁)ထုပ်လျှင် (၂၀၀ဝိ/-)ဖြင့် ရောင်းချခဲ့ရာ ဝန်ထမ်းများနှင့် ဒေသခံပြည်သူများမှ စနစ်တကျ တန်းစီ၍ ဝယ်ယူခဲ့ကြောင်း သတင်း ရရှိပါသည်။
DOCA(စစ်ကိုင်း)