၆.၁.၂၀၂၂ ရက်နေ့တွင် မိုးညှင်းခရိုင်စားသုံးသူရေးရာဦးစီးဌာနမှ ခရိုင်ဦးစီးမှူး ဦးမောင်မောင်ခိုင် နှင့်အဖွဲ့သည် စည်ပင်သာယာရေးအဖွဲ့နှင့်ပူးပေါင်း၍ မြို့မစည်ပင်သာယာဈေး၊ နားခါရပ်ကွက်အတွင်းရှိ ကုန်စုံဆိုင်များတွင် ဟင်းသီးဟင်းရွက်ဆီနှင့်စပ်လျဉ်း၍ ကုန်အညွှန်းအမှတ်အသားဖော်ပြရာ၌ စီးပွားရေးလုပ်ငန်းရှင်များ လိုက်နာဆောင်ရွက်ရန် ညွှန်ကြားချက်အမှတ်(၁/၂၀၂၁)အပေါ် ရှင်းလင်း ဆွေးနွေးခဲ့ပါသည်။
အဆိုပါ ညွှန်ကြားချက်သည် စတင်ထုတ်ပြန်သည့် ၂၁.၁၂.၂၀၂၁ ရက်နေ့မှ (၆)လ ပြည့်မြောက် ပြီးသည့်နေ့တွင် စတင်အာဏာသက်ရောက်မည်ဖြစ်သည့်အတွက် လုပ်ငန်းရှင်များအနေဖြင့် ကုန်အညွှန်း အမှတ်အသားကိုက်ညီမှုရှိရန် ကြိုတင်လျှောက်ထားဆောင်ရွက်ရန်လိုကြောင်း၊ကုန်အညွှန်း အမှတ်အသားကိုက်ညီမှုရှိကြောင်း အကြောင်းကြားစာရရှိပြီးမှသာ ထုတ်လုပ်ဖြန့်ဖြူးရောင်းချရမည် ဖြစ်ကြောင်းနှင့် ကုန်အညွှန်းအမှတ်အသားကိုက်ညီမှုမရှိသည့် ကုန်စည်ကိုထုတ်လုပ်ရောင်းချပါက စားသုံးသူကာကွယ်ရေးဥပဒေအရ အရေးယူခံရမည်ဖြစ်ကြောင်း အကျယ်တဝင့် ရှင်းလင်းဆွေးနွေးခဲ့ ပါသည်။
စားသုံးသူရေးရာဦးစီးဌာန
ကချင်ပြည်နယ်