မုန့်ထုတ်လုပ်သူ၊ ဖြန့်ဖြူးရောင်းချသူ လုပ်ငန်းရှင်များသို့ စားသုံးသူကာကွယ်ရေးဥပဒေ ၂၀၁၉အရ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက် (၂/၂၀၁၉)နှင့်အညီ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ပြည့်စုံစွာ ထည့်သွင်းဖော်ပြခြင်း ရှိ/မရှိ ဈေးကွက်စောင့်ကြည့်စစ်ဆေးခြင်းကို မကွေးတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်ချက်အရ (၇.၁.၂၀၂၂)ရက်နေ့တွင် ဒုတိယတိုင်းဒေသကြီးဦးစီးမှူးနှင့် ဝန်ထမ်းများသည် စည်ပင်သာယာအဖွဲ့နှင့်ပူးပေါင်း၍ မကွေးမြို့၊ ကန်သာဈေးရှိ မုန့်မျိုးစုံအရောင်းဆိုင်များသို့ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြပါသည်။
ထိုသို့ဆောင်ရွက်ရာတွင် ဒုတိယတိုင်းဒေသကြီးဦးစီးမှူးက တစ်ဆင့်ပြန်လည်ဖြန့်ဖြူး ရောင်းချသူ မုန့်မျိုးစုံအရောင်းဆိုင် လုပ်ငန်းရှင်များအား စီးပွားရေးလုပ်ငန်းရှင်တို့၏ တာဝန်များ၊ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ထည့်သွင်းရမည့်အချက်များကို အသေးစိတ်ရှင်းလင်းဆွေးနွေးခဲ့ပါသည်။ အဆိုပါမုန့်အရောင်းဆိုင်များတွင် ဒေသတွင်းတစ်ပိုင်တစ်နိုင်ထုတ်လုပ်သည့် အချို့အမှတ် တံဆိပ်များတွင် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ပြည်စုံစွာ ဖော်ပြထားသည်ကို စစ်ဆေးတွေ့ရှိရပြီး အချို့အမှတ်တံဆိပ်များမှာ ကုန်အမှတ်တံဆိပ်၊ ကုန်အညွှန်းအမှတ်အသားဖော်ပြချက်တွင် ထည့်သွင်းဖော်ပြရမည့်အချက်များ ဖော်ပြပါရှိသော်လည်း ထုတ်လုပ်သည့်ရက်စွဲနှင့် သက်တမ်း ကုန်ဆုံးသည့်ရက်စွဲ ဖော်ပြထားမှုမရှိခြင်း၊ အချို့တွင် ဘေးထွက်ဆိုးကျိုးဓါတ်မတည့်ကြောင်းဖော်ပြချက်၊ ထုတ်လုပ်သည့်လိပ်စာပြည့်စုံစွာ ဖော်ပြထားခြင်းမရှိသည်ကို စစ်ဆေးတွေ့ရှိရသည့်အတွက် ပင်ရင်း ထုတ်လုပ်သည့် လုပ်ငန်းရှင်များထံ ကုန်အညွှန်းအမှတ်အသားဖော်ပြရာတွင် ပြည့်စုံစွာထည့်သွင်း ဖော်ပြလာရေး ဆက်သွယ်အကြောင်းကြားပေးပါရန်နှင့်ယင်းကဲ့သို့ ကုန်အညွှန်းအမှတ် အသားပြည့်စုံမှု မရှိသည့် စားသောက်ကုန်ပစ္စည်းများအား မိမိတို့ဆိုင်များတွင် ရောင်းချမှုမပြုရန် အသိပညာပေး ရှင်းလင်းဆွေးနွေးခြင်းများ ဆောင်ရွက်ခဲ့ပြီး ကုန်အညွှန်းအမှတ်အသားဖော်ပြခြင်းနှင့် စပ်လျဉ်းသည့် လက်ကမ်းစာစောင်များ၊ စီးပွားရေးလုပ်ငန်းရှင် များ၏ တာဝန်များနှင့် တားမြစ်ချက်များ၊ ပြစ်ဒဏ်များ၊ စီမံခန့်ခွဲရေးနည်းလမ်းအရ အရေးယူနိုင်သည့် အချက်အလက်များပါဝင်သော လက်ကမ်းစာစောင်များအား ဝေငှခဲ့ကြပါကြောင်းသတင်းရရှိပါသည်။
စားသုံးသူရေးရာဦးစီးဌာန
မကွေးတိုင်းဒေသကြီး