၁၀.၁.၂၀၂၁ ရက်နေ့တွင် ကရင်ပြည်နယ် စားသုံးသူရေးရာဦးစီးဌာန၊ ပြည်နယ်ဦးစီးမှူးရုံး၌ ပြည်နယ်ဦးစီးမှူး၊ ဦးသန်းဦးနှင့် ဝန်ထမ်း (၃) ဦးတို့သည် သောက်ရေသန့်လုပ်ငန်းရှင်များအသင်း ဥက္ကဌ၊ ဦးအောင်ကျော်သူနှင့် တွေ့ဆုံပြီး ကုန်စည်များပေါ်တွင် ထုတ်ကုန်လုံခြုံစိတ်ချရမှုရှိစေရန်အတွက် ကုန်အညွှန်းအမှတ်အသားအကြောင်း ရှင်လင်းဆွေးနွေးခဲ့ပါသည်။
စားသုံးသူရေးရာဦးစီးဌာနမှ ပြည်နယ်ဦးစီးမှူး ဦးသန်းဦးက ကုန်စည်များတွင် ထုတ်ကုန်လုံခြုံစိတ်ချရမှုရှိစေရန်အတွက် စားသုံးသူကာကွယ်ရေးဥပဒေ အခန်း(၁၈)၊ ပုဒ်မ(၄၃)အရ၊ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်များပေါ်တွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ ဖော်ပြရမည်ဖြစ်ကြောင်းနှင့် ကုန်စည်များပေါ်တွင် အဓိကပါဝင်ရမည်အချက်များမှာ ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ကျန်းမာရေးဆိုင်ရာ ဘေးထွက်ဆိုးကျိုး၊ ဓာတ်မတည့်ကြောင်းဖော်ပြချက်၊ ကြိုတင်သတိပေးချက်များ ပါဝင်ရမည်ဖြစ်ကြောင်းနှင့် သက်ဆိုင်ရာဌာနများမှ သတ်မှတ်ထားသည့် စည်းမျဉ်း/ စည်းကမ်းကိုပါ စီးပွားရေးလုပ်ငန်းရှင်များက လိုက်နာဆောင်ရွက်ရမည်ဖြစ်ကြောင်း ဆွေးနွေးပြောကြားခဲ့ပါ သည်။ ထပ်မံ၍ သောက်ရေသန့်လုပ်ငန်းဆောင်ရွက်ရာတွင် သောက်ရေသန့်ဘူးများကို ကိုင်တွယ်ရာတွင် သန့်ရှင်းစွာဆောင်ရွက်ခြင်း၊ သန့်ရှင်းစွာဝတ်စားဆင်မှုနှင့် သောက်ရေသန့်ပို့ဆောင်သောကားတွင် အမိုးအကာပြုလုပ်ခြင်းစသည့် ထုတ်လုပ်မှုကျင့်စဉ်များ ဆောင်ရွက်သွားသင့်ကြောင်း အကြံပြု ဆွေးနွေးခဲ့ပြောကြားခဲ့ပါသည်။
ဆက်လက်၍ သောက်ရေသန့်လုပ်ငန်းရှင်အသင်း ဥက္ကဌ ၊ ဦးအောင်ကျော်သူက ကရင်ပြည်နယ်၊ ဘားအံမြို့ရှိ သောက်ရေသန့်လုပ်ငန်းရှင်များအသင်းကို (၄၂)ဦး ဖွဲ့စည်းထားပြီးဖြစ်ကြောင်း၊ သောက်ရေသန့်လုပ်ငန်းရှင်များ လိုက်နာရမည်စည်းမျဉ်း/ စည်းကမ်းများကို လိုက်နာဆောင်ရွက်သွားမည်ဖြစ်ကြောင်း၊ သောက်ရေသန့်လုပ်ငန်းဆောင်ရွက်ရာတွင် သောက်ရေသန့်ဘူးများကို ကိုင်တွယ်ရာတွင် သန့်ရှင်းစွာဆောင်ရွက်သွားမည်ဖြစ်ကြောင်း၊ သန့်ရှင်းစွာဝတ်စားဆင်ယဉ်မှုနှင့် သောက်ရေသန့်ပို့ဆောင်သောကားတွင် အမိုးအကာပြုလုပ်ရန်အတွက် အကြံပြုချက်များအား လိုက်နာဆောင်ရွက်သွားမည်ဖြစ်ကြောင်း ဆွေးနွေးပြောကြားခဲ့ကြောင်း သိရှိရပါသည်။
စားသုံးသူရေးရာဦးစီးဌာန
ကရင်ပြည်နယ်