စားသုံးသူရေးရာဦးစီးဌာန ၊ ဗန်းမော်ခရိုင်ဦးစီးမှူးရုံးမှ စစ်ဆေးရေးမှူး ဒေါ်နှောင်းနှောင်းဝင်း နှင့်ဝန်ထမ်းများသည် ၂၀၂၃ခုနှစ်၊နိုဝင်ဘာလ(၂၂)ရက်နေ့တွင် အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့်ပူးပေါင်း၍ ဗန်းမော်မြို့ပေါ်ရှိ သောက်ရေသန့် အရောင်းဆိုင်များသို့ သွားရောက်၍ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။
ထိုသို့ဈေးကွက်စောင့်ကြည့်စစ်ဆေးရာတွင် ဗန်းမော်မြို့ပေါ်ရပ်ကွက်ရှိ သောက်ရေသန့် အမျိုးမျိူးအရောင်းနေသောဆိုင်များတွင် ၂၀၁၉ စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်းအမှတ်အသား သတ်မှတ်ချက်များနှင့်ကိုက်ညီမှု ရှိ /မရှိ၊ FDA ၏ထောက်ခံချက်ပါဝင်မှု ရှိ /မရှိ၊သက်ဆိုင်ရာဌာနဆိုင်ရာများ၏ ထောက်ခံချက်များဖော်ပြထားမှု ရှိ/မရှိ တို့ကို ဈေးကွက်စောင့် ကြည့်စစ်ဆေးခဲ့ရာ ပြည့်စုံမှုရှိကြောင်း စစ်ဆေးတွေ့ရှိရပြီး သောက်ရေသန့်ရောင်းချနေသော စီးပွားရေးလုပ်ငန်းရှင်များအား ကုန်အညွှန်းအမှတ်အသားပြည့်စုံမှန်ကန်မှုရှိသော ကုန်စည်များကိုသာ ဈေးကွက်အတွင်းရောင်းချကြရန်နှင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များ၊ ပြစ်မှုပြစ်ဒဏ်များအကြောင်းတို့ကိုပါ ရှင်းလင်းပြောကြားပြီး ကုန်အညွှန်းအမှတ်အသား ဆိုင်ရာ လက်ကမ်းစာစောင်များ ဖြန့်ဝေခဲ့ကြောင်း သိရှိရပါသည်။
DOCA(ကချင်)