စားသုံးသူရေးရာဦးစီးဌာန၊ ကျိုက်လတ်မြို့နယ်တာဝန်ခံနှင့် ဝန်ထမ်းများသည် ၂၀၂၃ ခုနှစ်၊ ဒီဇင်ဘာလ (၁၄) ရက် ၊နေ့လယ် (၁၅:၀၀) နာရီအချိန်တွင် ကျိုက်လတ်မြို့နယ် တာဝန်ခံရုံးတွင် ငါးရံ့ခြောက်ဖုတ်လုပ်ငန်းရှင်များအသင်းနှင့် MSMES လုပ်ငန်းဖွံ့ဖြိုးတိုးတက်ရေး တွေ့ဆုံဆွေးနွေး ခဲ့ပါသည်။
အဆိုပါ တွေ့ဆုံဆွေးနွေးရာတွင် ရောင်းဝယ်ဖောက်ကားမှု ဈေးနှုန်း အခြေအနေ၊လုပ်ငန်းရှင်များ ရင်ဆိုင်ကြုံတွေ့နေသော အခက်အခဲများနှင့် ပတ်သတ်၍ မေးမြန်းခဲ့ရာ လုပ်ငန်းရှင်တစ်ဦးက ငါးရံ့ခြောက်ဘူးများကို ရန်ကုန်နှင့် မြန်မာနိုင်ငံတစ်နိုင်ငံလုံးသို့ ဖြန့်ချီရောင်းချလျက်ရှိကြောင်း၊ ဈေးနှုန်းဈေးကွက်အနေဖြင့် ယခုနှစ် ကုန်ကြမ်းဝယ်ယူမှု ဈေးနှုန်းမှာ ငါးရံ့ တစ်ပိဿာကို (၈၅၀၀) မှ (၁၂၅၀၀) ဈေးနှုန်းဖြင့် ဝယ်ယူရကြောင်း၊ငါးခွဲ အလုပ်သမားခ ဈေးနှုန်းမှာ တစ်ဦးလျှင် (၈၀၀၀) ကျပ်မှ (၁၀၀၀၀) ခန့်ရှိကြောင်း၊ ကုန်ကြမ်းဝယ်ယူသည့်နေရာများမှာ ရန်ကုန်၊မအူပင်နှင့် ဖျာပုံမြို့များမှ ဝယ်ယူရရှိကြောင်းသိရှိရပါသည်။ထုတ်လုပ်မှုအနေဖြင့် ကုန်ကြမ်း အချိန်(၁၀) ကို ကုန်ချော (၁) ပိဿာ ထွက်ရှိကြောင်း၊ ငါးရံ့ခြောက် (၅) ကျပ်သား ဘူးသေးတစ်ဘူးကို (၆၅၀၀) ကျပ်နှင့် (၇၀၀၀) ကျပ်ခန့်ရှိပြီး (၁၀) ကျပ်သား ဘူးကြီးတစ်ဘူးကို (၁၃၀၀၀)ကျပ်နှင့်(၁၄၀၀၀) ကျပ်ခန့် ရှိကြောင်း၊ ရင်းနှီးမြှုပ်နှံမှုအနေဖြင့် ငွေကျပ် သိန်း(၁၀၀) ကျော် ရင်းနှီးထားရှိရပြီး၊ အလုပ်သမား (၅) ဦးဖြင့် လုပ်ကိုင်လည်ပတ်လျက်ရှိကြောင်း MSMES လုပ်ငန်းဖွံ့ဖြိုးတိုးတက်ရေး တွေ့ဆုံဆွေးနွေးခဲ့မှုအပေါ် သတင်းရရှိခဲ့ပါသည်။
DOCA(ဧရာဝတီ)