စားသုံးသူရေးရာဦးစီးဌာန၊ သာယာဝတီခရိုင် ၊ ဇီးကုန်းမြို့နယ် မြို့နယ်တာဝန်ခံနှင့် ဝန်ထမ်းများသည် မြို့နယ်တာဝန်ခံရုံး၌ ( ၁၄.၁.၂၀၂၂ )ရက်နေ့၊ နံနက်(၁၀: ၀၀)နာရီအချိန်တွင် ဒေသတွင်းထုတ်လုပ်သော လုပ်ငန်းရှင်( ၈ ) ဦးနှင့်တွေ့ဆုံဆွေးနွေးခဲ့ပါသည်။
မြို့နယ်တာဝန်ခံဒေါ်မြင့်မြင့်ခင်က စားသုံးသူကာကွယ်ရေးဥပဒေအခန်း(၁၈)၊ ပုဒ်မ(၄၁)အရကုန်စည်အမျိုးအစားအလိုက် သိသာထင်ရှားစွာဖော်ပြရမည့်အချက်( ၇ )ချက်နှင့် မြန်မာနိုင်ငံစားသုံးသူကော်မရှင်ညွှန်ကြားချက် အမှတ်(၂/၂၀၁၉)အရ မတူညီသော ကုန်စည်အမျိုးအစားပေါ်မူတည်ပြီး အဓိကပါဝင်ရမည့် အချက်များကို မဖြစ်မနေဖော်ပြရန်၊ စီးပွားရေး လုပ်ငန်းရှင်များအနေဖြင့် စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်များ၏ တာဝန်များ၊ တားမြစ်ချက်များနှင့် ပြစ်မှုပြစ်ဒဏ်များကို သိရှိလိုက်နာရန်နှင့် အခြေခံ ကုန်အညွှန်း အမှတ်အသားများပြည့်စုံစွာ ဖော်ပြပါရှိမှသာ စားသုံးသူများဝယ်ယူသုံးစွဲရာ၌ သတင်းအချက်အလက်များပြည့်စုံစွာ ပေးနိုင်မည်ဖြစ်ကြောင်း၊ ဈေးကွက် စောင့်ကြည့် စစ်ဆေးမှုများ ဆောင်ရွက်မည့်စစ်ဆေးရေးမှူးများအား ခန့်အပ်ထားပြီးဖြစ်ကြောင်း ဆွေးနွေးပြောကြားခဲ့ပါသည်။
ဆက်လက်၍ စားသုံးသူများနစ်နာဆုံးရှုံးမှုများရှိပါကတိုင်ကြားနိုင်သည့် စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ ( Consumer Information and Complaint Center- CICC) ကို ဇီးကုန်းမြို့နယ် တာဝန်ခံရုံးတွင် (၂၅.၁၁.၂၀၁၉) ရက်နေ့တွင် ဖွင့်လှစ်ထားရှိပါကြောင်းနှင့် စားသုံးသူရေးရာဦးစီးဌာနမှ ဖြေရှင်းညှိနှိုင်းဆောင်ရွက်ပေးခဲ့သည့် စားသုံးသူအငြင်းပွားမှုကိစ္စရပ်များကို ဆွေးနွေးပြီး လက်ကမ်းစာစောင်များဖြန့်ဝေခဲ့ကြောင်း သတင်းရရှိပါသည်။
DOCA(ပဲခူး)