စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်တာဝန်ခံရုံးမှ ဝန်ထမ်းများသည် မြို့ပေါ်ရှိ ကုန်စုံဆိုင်နှင့်ဈေး၊ ရပ်ကွက်လက်လီ၊ လက်ကားရောင်းချနေသော စားအုန်းဆီအရောင်းဆိုင်(၆)ဆိုင်မှ ဖြန့်ဖြူးရောင်းချနေသော စားသုံးဆီများကို မြို့နယ်အထွေထွေ အုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့ ဝန်ထမ်းများနှင့် ပူးပေါင်း၍ (၂၀.၁၂.၂၀၂၃) ရက်နေ့၊ နေ့လယ် (၀၉:၀၀)နာရီတွင် ဈေးကွက်ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။
အဆိုပါ ဈေးကွက်ကွင်းဆင်းစစ်ဆေး ဆောင်ရွက်ရာတွင် ဓနုဖြူမြို့နယ်၊ စားသုံးသူရေးရာ မြို့နယ်တာဝန်ခံရုံးမှ ဦးခိုင်လွမ်းမိုက စားသုံးဆီများရောင်းချနေသော ကုန်စုံဆိုင်အရောင်းဆိုင်များအား စားသုံးသူကာကွယ်ရေးဥပဒေ ၂၀၁၉၊ အခန်း(၁၈) ပါ ကုန်အညွှန်းအမှတ်အသား ပြည့်စုံစွာ ဖော်ပြထားခြင်း ရှိ/မရှိကို ဈေးကွက်စောင့်ကြည့်ပြီးနောက် ကုန်အညွှန်း အမှတ်အသား ပြည့်စုံမှုမရှိသော စားသုံးဆီများအား ဝယ်ယူရောင်းချခြင်းမပြုရန်နှင့် စားအုန်းဆီအရောင်းဆိုင်များတွင် သက်ဆိုင်ရာ ထောက်ခံချက်များ ရှိ/ မရှိကို စစ်ဆေးခဲ့ကြောင်းသိရပါသည်။
DOCA(ဧရာဝတီ)