ပုသိမ်ခရိုင် ၊ ငပုတောမြို့နယ် စားသုံးသူရေးရာဦးစီးဌာန၊ မြို့နယ်တာဝန်ခံရုံးမှ မြို့နယ်တာဝန်ခံသည် ဇန်နဝါရီလ (၁၇) ရက်နေ့တွင် ငပုတောမြို့နယ်အတွင်း စားအုန်းဆီဖြန့်ဖြူး ရောင်းချမည့် ဆီထုတ်ကိုယ်စားလှယ်များနှင့်တွေ့ဆုံ၍ မြို့နယ်အတွင်းပြန်လည်ရောင်းချမည့် ၎င်းတို့၏ လက္ကားကုန်စုံဆိုင်လုပ်ငန်းရှင်များအား စားအုန်းဆီများ ဈေးကွက်အတွင်း ပြန်လည်ရောင်းချရာတွင် သတ်မှတ်ရည်ညွှန်းဈေးအတိုင်း ရောင်းချရန်နှင့်ဈေးနှုန်းမြှင့်တင်ရောင်းချခြင်း မပြုလုပ်ရန်၊ မြို့နယ်အတွင်း စားအုန်းဆီရရှိမှု ဈေးကွက်အခြေအနေ ၊ ငပုတောမြို့မ စည်ပင်သာယာဈေးကြီးနှင့် မြို့ပေါ်တွင် ရောင်းချလျက်ရှိသော ကုန်မျိုးစုံအရောင်းဆိုင်များတွင် မျှတစွာ စားအုန်းဆီဖြန့်ဖြူးပေးရန်နှင့် ဈေးနှုန်းမှန်ကန်စွာ ရောင်းချနိုင်ရေး အလေးထား ဆောင်ရွက်ရန် ဆွေးနွေးဆောင်ရွက်ခဲ့ပါသည်။
DOCA(ဧရာဝတီ)