“သာစည်မြို့၊မြို့မစည်ပင်စျေးအတွင်းရှိ ကုန်စုံဆိုင်များသို့ စျေးကွက်စောင့်ကြည့် စစ်ဆေးခြင်းနှင့် ကုန်စျေးနှုန်းပေါက်စျေးများ ကောက်ယူခြင်း”

           စားသုံးသူ‌ရေးရာဦးစီးဌာနသည် စားသုံးသူများ ဘေးအန္တရာယ်ကင်းရှင်းရေးနှင့် လုံခြုံစိတ်ချရမှုရှိစေရေးအတွက် စျေးကွက်စောင့်ကြည့်စစ်ဆေးခြင်းနှင့် နေ့စဉ်ကုန်စျေးနှုန်း ပေါက်စျေးများကို စာရင်းကောက်ယူခြင်းလုပ်ငန်းများ လုပ်ဆောင်လျက်ရှိပါသည်။ ၂၀၂၂ ခုနှစ်၊ ဇန်နဝါရီလ ၂၄ ရက်နေ့ (၉:၃၀)အချိန်တွင် စာသုံးသူရေးရာဦးစီးဌာန၊ သာစည်မြို့နယ်တာဝန်ခံ ဦးသက်ချိုဦး ဦးဆောင်၍ သာစည်မြို့မစျေး တာဝန်ခံ ဦးတင်ကိုနှင့် စျေးစည်ပင် ဝန်ထမ်းများနှင့်အတူ စျေးကွက်စောင့်ကြည့် စစ်ဆေးရေးအဖွဲ့ဝင်များပူးပေါင်း၍ သာစည်မြို့မစျေးအတွင်းရှိ စားသောက်ကုန်မျိုးစုံရောင်းချသော ကုန်စုံဆိုင်များသို့ စျေးကွက်စောင့်ကြည့်စစ်ဆေးခြင်း၊ ကုန်စျေးနှုန်းပေါက်စျေးများစာရင်း ကောက်ယူခြင်း လုပ်ငန်းများလုပ်ဆောင်ခဲ့ပါသည်။ စျေးဆိုင်လုပ်ငန်းရှင်များအား ကုန်အညွှန်းအမှတ်အသားနှင့် စပ်လျဉ်း၍ ၂၀၂၀ခုနှစ်၊ မတ်လ (၁၆)ရက်နေ့မှစတင် အာဏာသက်ရောက်နေပြီဖြစ်ကြောင်းနှင့် ကုန်အညွှန်းအမှတ်အသားပြည့်စုံစွာ မဖော်ပြမှုရှိပါက မည်သည့်စီးပွားရေးလုပ်ငန်းရှင်မဆို အ‌ရေးယူဆောင်ရွက်သွားရမည်ဖြစ်ကြောင်း အသိပညာပေးဟောပြောခဲ့ပါသည်။ ကုန်အညွှန်းအမှတ်အသား ပြည့်စုံစွာမပါရှိပါက စားသုံးသူကာကွယ်ရေးဥပဒေပုဒ်မ(၇၃)အရ (၂) နှစ်ထက်မပိုသော ထောင်ဒဏ်ဖြစ်စေ၊ ကျပ် သိန်း (၂၀၀) ထက်မပိုသော ငွေဒဏ်ဖြစ်စေ၊ ဒဏ်(၂)ရပ်လုံးဖြစ်စေ အရေးယူမှုများ ပြုလုပ်နိုင်ကြောင်း အသိပညာပေး ပြောကြားခဲ့ပြီး ကုန်အညွှန်းအမှတ်အသားနှင့်ပတ်သက်၍ အခက်အခဲရှိပါက စားသုံးသူရေးရာဦးစီးဌာနသို့ လာရောက်တိုင်ပင်ဆွေးနွေးနိုင်ကြောင်းနှင့်လုပ်ငန်းရှင်များအနေဖြင့်လည်း မိမိတို့ကိုယ်တိုင်စားသုံးသူများပင်ဖြစ်ကြောင်း၊စားသုံးသူများအနေဖြင့် စားသုံးသူအခွင့်အရေးဆုံရှုံးနစ်နာမှုများ ရှိခဲ့လျှင်စားသုံးသူရေးရာဦးစီးဌာနသို့ တိုင်ကြားနိုင်ကြောင်း၊DOCA Myanmar Applicationနှင့် စားသုံးသူရေးရာဦးစီးဌာန၏ Websitewww.doca.gov.mm တွင် ဝင်ရောက်လေ့လာတိုင်ကြားနိုင်ကြောင်း ဆွေးနွေးပြောကြားခဲ့ပါသည်။

စားသုံးသူရေးရာဦးစီးဌာန

မန္တလေးတိုင်းဒေသကြီး