စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၏ မျှော်မှန်းချက် ဖြစ်သည့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေး ဖွံ့ဖြိုးတိုးတက်စေရန်” ဆိုသည့် ဆောင်ပုဒ်နှင့်အညီ ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ အပြင် စားသုံးသူကာကွယ်ရေးအသိပညာပေးလုပ်ငန်းများကို ဆောင်ရွက်လျက်ရှိရာ ရွှေဘိုခရိုင်ဦးစီးမှူးရုံးမှ ခရိုင် ဦးစီးမှူး ဦးဆောင်၍ ၂၀၂၄ ခုနှစ်၊ ဇန်နဝါရီလအတွင်း စီးပွားရေးလုပ်ငန်းရှင်များနှင့် တွေ့ဆုံခြင်းအား (၄) ကြိမ် ဆောင်ရွက်ခဲ့ပါသည်။
(၉.၁.၂၀၂၄)ရက်နေ့တွင် စားသုံးသူရေးရာဦးစီးဌာန၊ ရွှေဘိုမြို့၊ အမှတ်(၅)ရပ်ကွက်ရှိ ဓနအောင် (အိမ်ဆောက်ပစ္စည်းအမျိုးမျိုးနှင့်ကုန်မာဆိုင်)ရောင်းဝယ်ရေးလုပ်ငန်းရှင်၊ (၁၂.၁.၂၀၂၄)ရက်နေ့တွင် ရွှေဘို မြို့၊ အမှတ်(၁၀) ရပ်ကွက်ရှိ အေးမေတ္တာ (ဆန်နှင့်ဆီအမျိုးမျိုး) ရောင်းဝယ်ရေးလုပ်ငန်းရှင်၊ အမှတ် (၆) ရပ်ကွက်ရှိ ရွှေဖီညွန့် (လက်ဖက်နှင့်ဆီရောင်းဝယ်ရေး) လုပ်ငန်းရှင်နှင့် အမှတ် (၅) ရပ်ကွက်ရှိ ဉဒေါင်းမင်း ဆီရောင်းဝယ်ရေး လုပ်ငန်းရှင်တို့နှင့် တွေ့ဆုံဆွေးနွေးခဲ့ပြီး စုစုပေါင်း စီးပွားရေး လုပ်ငန်းရှင် (၄) ဦးအား စားသုံးသူကာကွယ်ရေးဥပဒေ၊ အမိန့်နှင့် ညွှန်ကြားချက်များနှင့် ဌာနမှ ဆောင်ရွက်လျက်ရှိသော လုပ်ငန်း များအား အသိပညာပေး ဆွေးနွေးခဲ့ကြောင်း သတင်းရရှိပါသည်။
DOCA(စစ်ကိုင်း)