စားသုံးသူရေးရာဦးစီးဌာန၊ ချင်းပြည်နယ်ဦးစီးမှူးရုံးမှ တီးတိန်မြို့နယ်တာဝန်ခံ ဦးပြောင်ဒါးလ် (အကြီးတန်းစာရေး)သည် ၂၀၂၄ခုနှစ်၊ ဖေဖော်ဝါရီလ ၅ ရက်နေ့၊နံနက် ၁၀:၃၀ အချိန်တွင် ဝေါင်မွောလ်ကျေးရွာရှိ အခြေခံပညာမူလွန်ကျောင်းတွင် စားသုံးသူကာကွယ်ရေးဆိုင်ရာ အသိပညာပေးဟောပြော ပွဲကျင်းပခဲ့ကြောင်း သတင်းရရှိပါသည်။
အဆိုပါဟောပြောပွဲအခမ်းအနားတွင် ကျောင်းအုပ်ကြီး ဦးခုပ်စွမ့်မာန်မှ အဖွင့်အမှာ စကားပြောကြားခဲ့ရာတွင် စားသုံးသူကာကွယ်ပေးရေးဆိုင်ရာ အသိပညာပေးလုပ်ငန်းသည် ပြည်သူအားလုံး မဖြစ်မနေသိရှိရန် အထူးလိုအပ်ကြောင်းနှင့် လာရောက်ဟောပြောပေးသည့်အတွက် အထူးပင်ကျေးဇူးတင်ရှိပါကြောင်း ပြောကြားခဲ့သည်။ ထို့နောက် ဦးပြောင်ဒါးလ်မှ စားသုံးသူအခွင့်အရေးများကို ကျောင်းသား/သူများအနေဖြင့် မဖြစ်မနေ သိရှိနားလည်ပြီး အများပြည်သူအပေါ် လက်ဆင့်ကမ်း အသိပညာပေးမျှဝေပေးရမည်ဖြစ်ကြောင်း၊ စားသုံးသူပြည်သူများအားလုံး စားသုံးသူအခွင့်အရေးများ အပြည့်အဝရရှိစေရန်အတွက် စားသုံးသူ၏ အခွင့်အရေး(၈)ချက်နှင့် စားသုံးသူ၏ တာဝန်ဝတ္တရားများကို ရှင်းလင်းဆွေးနွေးခဲ့ကြောင်း၊ စီးပွားရေးလုပ်ငန်းရှင်များကိုလည်း မိမိတို့ ဦးစီးဌာနအနေဖြင့် ကုန်အညွှန်းအမှတ်အသား ပြီးပြည့်စုံစွာ မဖြစ်မနေ ဖော်ပြထားရန် စားသုံးသူကာကွယ်ရေးဥပဒေ အခန်း(၁၈)တွင် ပြဋ္ဌာန်းပြီးဖြစ်ကြောင်း ရှင်းလင်းဆွေးနွေးခဲ့ရာ ဆရာ/ မများနှင့် ကျောင်းသားကျောင်းသူများက စားသုံးသူအခွင့်အရေးနှင့်ပတ်သက်၍ သိရှိလိုသည်များကို မေးမြန်းခဲ့ကြရာ တာဝန်ရှိသူက ပြန်လည်ရှင်းလင်းဆွေးနွေးခဲ့ကြောင်း သိရသည်။ အဆိုပါအခမ်းအနားတွင် ဆရာ/မ(၈)ဦးနှင့် ကျောင်းသား/သူ (၁၀၅)ဦး စုစုပေါင်း(၁၁၃)ဦး တက်ရောက်ခဲ့ကြောင်း သတင်းရရှိပါသည်။
DOCA(ချင်း)