ပြည်နယ်ဦးစီးမှူးမှ အအေးခန်းလုပ်ငန်းရှင်နှင့် တွေ့ဆုံဆွေးနွေး

     ၈.၃.၂၀၂၄ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးသည် ပြည်နယ် ဦးစီးမှူးရုံး၌ အအေးခန်းလုပ်ငန်းရှင်နှင့် တွေ့ဆုံဆွေးနွေးခဲ့သည်။

    ထိုသို့တွေ့ဆုံဆွေးနွေးရာတွင် ပြည်နယ်ဦးစီးမှူးက အအေးခန်းလုပ်ငန်းရှင်အား နိုင်ငံ့စီးပွားမြှင့်တင်ရေးရန်ပုံငွေဖြင့် လုပ်ငန်းတိုးချဲ့ဆောင်ရွက်နေမှုအခြေအနေ၊ အအေးခန်းတွင် လက်ရှိသိုလှောင်ထားသည့် ကုန်ပစ္စည်းများနှင့် ဝန်ဆောင်မှုပေးနေသည့် အခြေအနေများအား ဆွေးနွေးခဲ့ရာ အအေးခန်းလုပ်ငန်းရှင်က နိုင်ငံ့စီးပွားရန်ပုံငွေဖြင့် အအေးခန်းစက်ရုံ၌ ဆိုလာစနစ်တပ်ဆင်နေကြောင်း၊ လက်ရှိတွင် အအေးခန်း၌ ရာသီပေါ် သစ်သီးဝလံများ၊ ငါးခြောက်များ၊ ငရုတ်သီးခြောက်များ၊ အေးခဲအသားငါးများကို သိုလှောင်လျက်ရှိကြောင်း ၊ သိုလှောင်ထားသိုမှုနှုန်းထားများမှာ တစ်ပိဿာလျှင် တစ်နေ့ထားသိုခ (၃) ကျပ်နှုန်းဖြင့် ဝန်ဆောင်မှုပေးလျက်ရှိကြောင်း သိရှိရပါသည်။

DOCA(မွန်)