ဧရာဝတီတိုင်းဒေသကြီး စားသုံးသူရေးရာဦးစီးဌာနမှ ၂၀၂၄ ခုနှစ် ကမ္ဘာ့စားသုံးသူအခွင့်ရေးများနေ့ အခမ်းအနားကို ပုသိမ်မြို့ မြို့တော်ခန်းမတွင် မတ်လ ၁၅ ရက်နေ့ နံနက် (၀၉:၀၀) နာရီတွင် ကျင်းပပြုလုပ်ရာ ဧရာဝတီတိုင်းဒေသကြီး အစိုးရအဖွဲ့ဝန်ကြီးချုပ်ဦးတင်မောင်ဝင်းနှင့် အစိုးရအဖွဲ့ဝင်ဝန်ကြီးများ၊ စားသုံးသူရေးရာကော်မတီဝင်များ ပုသိမ်တက္ကသိုလ်၊ နည်းပညာ တက္ကသိုလ်နှင့် ကွန်ပျူတာတက္ကသိုလ်မှ ပါမောက္ခချုပ်များ၊ တိုင်းအဆင့်ဌာနဆိုင်ရာ အကြီးအကဲများ ၊ စီးပွားရေးအသင်းအဖွဲ့များ ဧရာဝတီတိုင်းဒေသကြီး အစိုးရအဖွဲ့ဝန်ကြီးချုပ်ဦးတင်မောင်ဝင်း က အဖွင့်အမှာစကားပြောကြား၍ တက်ရောက်လာသော ဧည့်ပရိတ်သတ်များအား ကမ္ဘာ့စားသုံးသူအခွင့်အရေးများနေ့ (WCRD) အထိမ်းအမှတ် Viedo clip များ ပြသခဲ့ပြီး တိုင်းဒေသကြီး စားသုံးသူရေးရာကော်မတီအတွင်းရေးမှူး တိုင်းဒေသကြီးဦးစီးမှူး ဦးဇေယျာဆွေက ဌာန၏ လုပ်ငန်းဆောင်ရွက်ချက်များအား ရှင်းလင်းတင်ပြ၍ စုပေါင်းမှတ်တမ်းတင်ဓာတ်ပုံ ရိုက်ကူးခဲ့ပါသည်၊၊
အခမ်းအနားဒုတိယပိုင်းတွင် စားသုံးသူရေးရာဦးစီးဌာန ဝန်ထမ်းအမျိုးသမီးများမှ (WCRD) အထိမ်းအမှတ်သီချင်းနှင့်သရုပ်ဖော်အကဖြင့် ဖျော်ဖြေခဲ့ပြီး ဧရာဝတီတိုင်းဒေသကြီး ကုန်သည်များ နှင့် စက်မှုလက်မှုလုပ်ငန်းရှင်များအသင်း အတွင်းရေးမှူး ဦးမောင်မောင်ဦးက စားသုံးသူ အကျိုးစီးပွားကာကွယ်ရေး အခွင့်အရေး AI နည်းပညာဖြင့် ထောက်လှမ်းအကြံဉာဏ် ရယူမှုအကြောင်း ရှင်းလင်းဆွေးနွေးပြောကြားခဲ့ပြီး အခမ်းအနားကို နံနက်(၁၁:၀၀) နာရီတွင် အောင်မြင်စွာ ကျင်းပပြုလုပ်၍ အခမ်းအနားရုတ်သိမ်းခဲ့ပါသည်၊၊
DOCA(ဧရာဝတီ)