စားသုံးသူရေးရာဦးစီးဌာန၊ မြောက်ပိုင်းခရိုင်၊ မှော်ဘီမြို့နယ် မြို့မဈေးအတွင်း စည်ပင်သာယာခန်းမတွင် (၁၈.၃.၂၀၂၄)ရက်နေ့ နေ့လယ် (၁၃:၀၀)နာရီတွင် ဈေးသူ/ဈေးသားများအား စားသုံးသူကာကွယ်ရေးနှင့်ဥပဒေများကို ကွင်းဆင်းဟောပြောခဲ့ပါသည်။
ကုန်အညွှန်းအမှတ်အသားနှင့်ပတ်သက်၍ ကုန်စည်(သို့မဟုတ်) ကုန်စည်ထုပ်ပိုးအပြင် အဆင်ပေါ်တွင် စာဖြင့်ရေးသား၍ဖြစ်စေ၊ ပုံနှိပ်၍ဖြစ်စေ၊ ရုပ်ပုံဖြင့်ဖြစ်စေ၊ တခြားနည်းလမ်း တစ်ရပ်ရပ်ဖြင့် ဖြစ်စေ ဖော်ပြထားသည့် ကုန်စည်နှင့်သက်ဆိုင်သော အချက်အလက် အမှတ်အသားပါရှိရပါမည်။ ဥပဒေအခန်း(၁၈)ပါ ကုန်အညွှန်းအမှတ်အသားနှင့်ပတ်သက်၍ ကုန်စည်ပေါ်တွင် မဖြစ်မနေပါရှိရ မည့်အချက်များမှာ ကုန်စည်၏အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ကျန်းမာရေးဆိုင်ရာ ဘေးထွက်ဆိုးကျိုး၊ ဓါတ်မတည် ကြောင်းဖော်ပြချက်နှင့် ကြိုတင် သတိပေးချက်တို့ကို မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု(သို့မဟုတ်) တစ်ခုထက်ပို၍ တွဲလျက်ဖြစ်စေ ရေးသားဖော်ပြထားရမည် မြန်မာ နိုင်ငံစားသုံးသူကာကွယ်ရေးကော်မရှင်က ညွှန်ကြားချက်အမှတ်(၂/၂၀၁၉)ဖြင့် ထုတ်ပြန်ထားပြီ ဖြစ်ပါသည်။ ဟင်းသီး ဟင်းရွက်ဆီတွင် အသားတင်ပမာဏကို မြန်မာအလေးချိန်ဖြစ်သော ပိဿာ/ ကျပ်သားတို့ကို မြန်မာဘာသာဖြင့် ဖော်ပြရမည်ဟု ထုတ်ပြန်ထားသော ညွှန်ကြားချက်အမှတ် (၁/၂၀၂၀)အရ ဖော်ပြရမည်ဖြစ်ကြောင်းတို့ကို ဈေးသူ/ဈေးသားများအား ဟောပြောဆွေးနွေးခဲ့ပါ သည်။
DOCA(ရန်ကုန်)