မကွေးတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် မကွေးတိုင်းဒေသကြီးအတွင်းရှိ မြို့နယ်အသီးသီး၌ အပတ်စဉ် တနင်္လာနေ့တိုင်းကို ပလတ်စတစ်မသုံးစွဲရေးနေ့ဟုသတ်မှတ်ပြီး ပလတ်စတစ်အိတ်၊ ကြွပ်ကြွပ်အိတ်များအစား စက္ကူအိတ်၊ အင်ဖက်များသုံးစွဲစေရေး၊ စျေးလာရောက်ဝယ်ယူပါက ခြင်းတောင်းများယူဆောင်လာစေရေးအတွက် အသိပညာပေးများကို မိတ်ဖက်ဌာနများနှင့်ပူးပေါင်း၍ ဆောင်ရွက်လျက်ရှိပါသည်။
စည်ပင်သာယာရေးအဖွဲ့၊ အထွေထွေအုပ်ချုပ်ရေးဦးစီးဌာန၊ ပတ်ဝန်းကျင်ထိန်းသိမ်းရေးဦးစီးဌာန၊ စားသုံးသူရေးရာဦးစီးဌာန၊ ကျန်းမာရေးဦးစီးဌာနနှင့် စျေးကော်မတီဝင်များပူးပေါင်းကာ (၁၈-၃-၂၀၂၄)ရက်နေ့၊ နံနက်(၀၈:၀၀)နာရီအချိန်တွင် မကွေးမြို့၊ ရန်ပယ်စျေး၌လည်းကောင်း၊ (၂၅-၃-၂၀၂၄)ရက်နေ့၊ နံနက်(၀၈:၃၀)နာရီအချိန်တွင် မကွေးမြို့၊ မြို့မစျေး၌လည်းကောင်း ပူးပေါင်းဆောင်ရွက်ခဲ့ပါသည်။
စားသုံးသူရေးရာဦးစီးဌာနအနေဖြင့် ဒေသအာဏာပိုင်လမ်းညွှန်သည့် လုပ်ငန်းများကိုဆောင်ရွက်ရင်း ဌာန၏ပင်မလုပ်ငန်းဖြစ်သည့် စားသုံးသူပြည်သူများဘေးအန္တရာယ်ကင်းရှင်းစေရေး အတွက် စျေးကွက်အတွင်းရှိ ကုန်စည်များ၌ စားသုံးရန်မသင့်ဟုတားမြစ်ထားသော ကုန်စည်များရောင်းချမှုရှိ/မရှိ၊ ကုန်စည်များ၌ ကုန်အညွှန်းအမှတ်အသားဆိုင်ရာသတ်မှတ်ချက်များ ပြည့်စုံမှန်ကန်စွာပါဝင်မှုရှိ/မရှိ စျေးကွက်စောင့်ကြည့်စစ်ဆေးခြင်းများကို ပူးတွဲဆောင်ရွက်လျက်ရှိကြောင်းသိရှိရပါသည်။
DOCA(မကွေး)