တရုတ်သမ္မတ ရှီကျင့်ဖျင်သည် အမေရိကန်နိုင်ငံမှ စီးပွားရေးမဟာဗျူဟာပညာရပ် နယ်ပယ်များမှ ကိုယ်စားလှယ်များနှင့် ဘေဂျင်းမြို့ ပြည်သူ့ခန်းမဆောင်တွင် မတ်လ ၂၇ ရက်နေ့ က တွေ့ဆုံခဲ့ပါသည်။ မစ္စတာရှီက တရုတ်-အမေရိကန် ဆက်ဆံရေးသည် ကမ္ဘာပေါ်ရှိ အရေးကြီးဆုံး ဆက်ဆံရေးထဲမှ တစ်ခုဖြစ်ကြောင်း၊ နှစ်နိုင်ငံလုံးက အချင်းချင်းမိတ်ဖက်အဖြစ် အပြန်အလှန်ယုံကြည်မှုကို ပြသကြကာ ငြိမ်းချမ်းစွာ အတူယှဉ်တွဲနေထိုင်ခြင်းဖြင့် နှစ်ဦးနှစ်ဖက် အကျိုးကျေးဇူးရှိနိုင်ကြောင်း ပြောကြားခဲ့ပါသည်။ ထို့ပြင် ယခုနှစ်သည် တရုတ်-အမေရိကန် သံတမန်ဆက်ဆံရေး ၄၅ နှစ်မြောက်ဖြစ်ကြောင်း၊ တရုတ်-အမေရိကန် ဆက်ဆံရေး သမိုင်းသည်လည်း နှစ်နိုင်ငံပြည်သူများအကြား ချစ်ကြည်ရင်းနှီးစွာ ကူးလူးဖလှယ်မှုအနက် တစ်ခုဖြစ်ကြောင်း ရှီက ဆက်လက်ပြောကြားခဲ့ပါသည်။ အခမ်းအနားတက်ရောက်လာကြသည့် အမေရိကန် ကိုယ်စားလှယ်များကလည်း လွန်ခဲ့သည့် ဆယ်စုနှစ်များအတွင်း တရုတ်နိုင်ငံ စီးပွာရေးပြုပြင် ပြောင်းလဲမှုများနှင့် အင်အားကြီးထွားလာမှုအပေါ် ချီးကျူးခဲ့ကြပြီး သမ္မတရှီ၏ ခေါင်းဆောင်မှု အောက်တွင် တရုတ်နိုင်ငံအရည်အသွေးမြင့်မားသော ထုတ်လုပ်နိုင်စွမ်းနှင့် ဖွံ့ဖြိုး တိုးတက်မှု တို့ရရှိခဲ့ကြောင်း ပြောကြားခဲ့ကြပါသည်။ မစ္စတာရှီကလည်း အမေရိကန်စီးပွားရေး လုပ်ငန်းများကို တရုတ်နိုင်ငံ၏ ရပ်ဝန်းနှင့် ပိုးလမ်းမစီမံကိန်းတွင် ပါဝင်ရန်၊ တရုတ်နိုင်ငံတကာ သွင်းကုန်ပြပွဲများတွင်လည်း ပါဝင်ကြရန်နှင့် တရုတ်နိုင်ငံတွင် ဆက်လက်ရင်းနှီးမြှုပ်နှံမှုများ ပြုလုပ်ရန် တိုက်တွန်းပြောကြားခဲ့ပါသည်။
Source : Xinhua
DOCA(ရန်ကုန်)