ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ်စာသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် ၂၀၂၄ခုနှစ်၊ဧပြီလ(၅)ရက်နေ့၊ နံနက်(၀၉:၀၀)နာရီအချိန်တွင်သာပေါင်း ကျေးရွာအောင်သုခဆန်စက်သို့ ထုတ်ကုန်လုံခြုံစိတ်ချရမှုနှင့် MSMEs ဖွံ့ဖြိုးရေးအတွက် ကွင်းဆင်းစိစစ်ခဲ့ကြပါသည်။
ထို့သို့ကွင်းဆင်းစိစစ်ခဲ့ရာတွင် အောင်သုခဆန်စက်မှကြိတ်ခွဲထုတ်လုပ်သော ကုန်စည်များ၊ ထုတ်ကုန်များအရည်အသွေးပြည့်မီစေရေး၊ အချိန်အတွယ်မှန်ကန်ရေး၊ ဆန်စပါး ဈေးနှုန်းဈေးကွက်အခြေအနေများ တည်ငြိမ်မှု ရှိ/မရှိ ၊ ထုတ်ပိုးမှုစနစ်များ လုံခြုံမှုရှိ/မရှိ စိစစ်ခြင်းနှင့် MSMEsလုပ်ငန်း ဖွံ့ဖြိုးတိုးတက်စေရေးအတွက် နည်းစနစ်သစ်များ၊ ခေတ်မီစက်ကိရိယာများ တပ်ဆင်နိုင်ရေး ထုတ်ကုန်များပိုမိုထုတ်လုပ်နိုင်မှသာ ဈေးကွက်စီးပွားရေးစနစ် ကျယ်ပြန့်လာနိုင်သလို၊ ထုတ်လုပ်မှု အင်အားကောင်းနိုင်မှသာမီခိုအားထားနေရသော အလုပ်သမားဝန်ထမ်းမိသားစုများ စားဝတ်နေရေး ပြေလည်နိုင်မှာဖြစ်ကြောင်း စက်လည်ပတ်သည့်နေ့မရှိရင်လည်း ဝန်ထမ်းများအားကြည့်ရှု ဆောင်ရွက်ရပါကြောင်းနှင့် ကြိတ်ခွဲရာမှထွက်ရှိသော စွန့်ပစ်ပစ္စည်းများလည်းစနစ်တကျ စွန့်ပစ်ထားခြင်းရှိ/မရှိ ကွင်းဆင်းစိစစ်ခဲ့ကြောင်း သတင်းရရှိပါသည်။
DOCA(ဧရာဝတီ)