စားသုံးသူရေးရာဦးစီးဌာန ရန်ကုန်တိုင်းဒေသကြီး၊ အရှေ့ပိုင်းခရိုင်စီးမှူးရုံးမှ ဒေါ်အေးအေးမော်(ဒုကြီးကြပ်ရေးမှူး)နှင့် ဝန်ထမ်းများသည် (၂.၅.၂၀၂၄ ) ရက်နေ့ ၊နေ့လယ် (၁၅း၀၀)နာရီ တွင် ဒေါပုံမြို့နယ်၊ ရတနာဈေးဈေးအရှေ့ရှိ စားအုန်းဆီ လက်လီ / လက်ကား ဖြန့်ဖြူးရောင်းချသည့် ဆီကိုယ်စားလှယ်ဦးမောင်မောင်တင်၊ ဆိုင်အမှတ် (၂၆၁) အောင်သစ္စာလမ်း၊ ဇေယျာသီရိရပ်ကွက်ရှိ(ရွှေမြင့်မိုရ်) အရောင်းဆိုင်သို့ ဈေးကွက်စောင့်ကြည့် စစ်ဆေးခြင်းများ ပြုလုပ်ခဲ့ပါသည်။
အဆိုပါ တာဝန်ရှိသူများသည် ဈေးကွက်အတွင်း စားသုံးဆီရောင်းချသည့် ကိုယ်စားလှယ်များနှင့်တွေ့ဆုံပြီး ပြည်သူများထံသို့ စားသုံးဆီရောင်းချရာတွင် သတ်မှတ်ရည်ညွှန်းဈေး ထက် ၂ ရာခိုင်နှုန်းဖြင့်အမြတ်တင်ရောင်းချခြင်း ရှိ / မရှိ၊ သတ်မှတ်ဈေးနှုန်းရေးဆွဲထားသည့် လက်လီ/လက်ကားဈေးနှုန်းများ ရေးသားထားသည့် Board / ဗီနိုင်းများအား နေ့စဉ်ချိတ်ဆွဲ ရောင်းချရန်ခွဲတမ်းရရှိသည့် ဆီပေပါများကို တဆင့်ပြန်လည်ခွဲဝေပေးမှုအခြေအနေ၊ ပြည်သူများထံ အပြည့်အဝရောင်းချပေးနှင့် ဈေးကစားရန်အလို့ငှာ စားဆီများသိုလှောင်ထားခြင်း ရှိ/မရှိတို့ကိုစစ်ဆေးခဲ့ပြီး လိုက်နာမှုမရှိပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူခံရမည်ဖြစ်ကြောင်းကို ကွင်းဆင်းစစ်ဆေး/အသိပညာပေးခြင်းများ ဆောင်ရွက်ခဲ့ ကြောင်း သိရှိပါသည်။
DOCA(ရန်ကုန်)