ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဒေးဒရဲမြို့နယ်၊ မြို့နယ်စစ်ဆေးရေးမှူးဦးသိန်းမောင်နှင့် ဝန်ထမ်းများသည်(၁၆.၂.၂၀၂၂)ရက်နေ့ နေ့လည်(၁၄:၀၀)နာရီအချိန်တွင် မြို့မဈေးအပြင်တန်းရှိ မုန့်မျိုးစုံအရောင်းဆိုင်(၃)ဆိုင်တွင် ရောင်းချလျက်ရှိသောမုန့်မျိုးစုံများအား စစ်ဆေးခဲ့ပြီးနောက် ရောင်းချသူလုပ်ငန်းရှင်များအား စစ်ဆေးရေးမှူးက စီးပွားရေးလုပ်ငန်းရှင်များအနေဖြင့် ကုန်ပစ္စည်း ထုတ်လုပ်တင်သွင်း ထုပ်ပိုး၊လက်လီလက်ကားဖြန့်ဖြူးရောင်းချရာတွင် မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)အရ ကုန်အညွှန်းအမှတ်အသား ဖော်ပြခြင်းဆိုင်ရာ သတ်မှတ်ချက်များနှင့်အညီ သိသာထင်ရှားစွာဖော်ပြရန် စားသုံးသူ ကာကွယ်ရေး ဥပဒေပုဒ်မ(၄၁) ပုဒ်မခွဲ(ခ)နှင့်(ဆ)ပါ ကုန်စည်၏အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ ထားသိမ်းဆည်းမှုအညွှန်း၊ သုံးစွဲပုံနည်းလမ်း၊ ကျန်းမာ ရေးဆိုင်ရာဘေးထွက်ဆိုးကျိုး(သို့မဟုတ်) ဓာတ်မတည့်ကြောင်းဖော်ပြချက်နှင့် ကြိုတင်သတိပေးချက်များနှင့် ဥပဒေပုဒ်မ(၄၃)အရ ကုန်အညွှန်းအမှတ်အသားများကိုဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု(သို့မဟုတ်)တစ်ခုထက်ပို၍ တွဲလျက်ဖြစ်စေ ရေးသားဖော်ပြရမည်ဖြစ်ပြီး လိုက်နာခြင်းမရှိပါက စားသုံးသူကာကွယ်ရေးဥပဒေအရ အရေးယူခြင်းခံရမည်ဖြစ်ကြောင်း အသိပေးဆွေးနွေးပြောကြားခဲ့ပါသည်။
ထို့နောက် မုန့်မျိုးစုံအရောင်းဆိုင်လုပ်ငန်းရှင်များအား စားသုံးသူကာကွယ်ရေး အသိပညာပေး လက်ကမ်းစာစောင်များဖြန့်ဝေပေးခဲ့ကြောင်း သတင်းရရှိပါသည်။
DOCA(ဧရာဝတီ)