မန္တလေးတိုင်းဒေသကြီးအတွင်း ဆေးနှင့်ဆေးပစ္စည်းဈေးနှုန်းများကို ဒေသတွင်း ဖြစ်သင့်ဖြစ်ထိုက်သည့် ဈေးနှုန်းများဖြင့် ရောင်းဝယ်ဖောက်ကားခြင်းများ ရှိ/မရှိ စိစစ်ကြပ်မတ် ဆောင်ရွက်ရန်အတွက် (၈-၅-၂၀၂၄)ရက်နေ့၊နံနက် (၁၀:၀၀)နာရီတွင် ကွင်းဆင်းစစ်ဆေးမှုများ ဆောင်ရွက်ခဲ့ပါသည်။
ထိုသို့ ကွင်းဆင်းစစ်ဆေးရာတွင် အဆိုပါကုမ္ပဏီများ၏ ဆေးနှင့် ဆေးပစ္စည်းလက်ကျန် စာရင်းများနှင့် မြေပြင်သိုလှောင်ထားမှုအခြေအနေများအား မှန်ကန်မှု ရှိ/မရှိ တိုက်ဆိုင်စစ်ဆေးခြင်း၊ ဆေးဝါးများ နည်းစနစ်မှန်ကန်စွာ သိုလှောင်ထားမှု အခြေအနေများအား ကြည့်ရှု့စစ်ဆေးခြင်းတို့ ဆောင်ရွက်ခဲ့ပါသည်။ ၎င်းနောက် ဆေးနှင့်ဆေးပစ္စည်းများအား ဈေးနှုန်းမြှင့်တင်ရောင်းချခြင်း၊ ဈေးနှုန်းမြှင့်တင်ဖြန့်ဖြူးခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းများ မရှိစေရေး ဆွေးနွေးဆောင်ရွက်ခဲ့ပြီး FDA ၏ ညွှန်ကြားချက်များအား အတိအကျလိုက်နာရန် လိုအပ်ပါကြောင်းနှင့် ကုမ္ပဏီများအနေဖြင့်လည်း လိုင်စင်/တင်သွင်းမှုကိစ္စများအခက်အခဲ၊ ထူးခြားမှုတစ်စုံတစ်ရာ ရှိပါကအချိန်မီ တင်ပြသွားရန်နှင့် မြေပြင်ကွင်းဆင်းကြည့်ရှု့ပြီး ကူညီဆောင်ရွက်ပေးသွားမည်ဖြစ်ကြောင်း ဆွေးနွေးရှင်းလင်းခဲ့သည်ဟု သတင်းရရှိပါသည်။
DOCA(မန္တလေး)