(၈.၅.၂၀၂၄) ရက်နေ့ ၊နံနက် (၀၉:၀၀) နာရီအချိန်က မအူပင်ခရိုင်ဦးစီးမှူး ညောင်တုန်းမြို့နယ် ဦးစီးမှူးရုံးမှ ဦးအောင်လွင့်မြို့နယ်ဦးစီးမှူးနှင့် ဝန်ထမ်းများသည် ပူးပေါင်းမိတ်ဖွဲ့ ဌာနဆိုင်ရာများနှင့်အတူ ညောင်တုန်းမြို့ပေါ်ရှိ ဆီရောင်းချနေသော ဆီအရောင်းဆိုင်(၈)ဆိုင် ရပ်ကွက်ဈေးများ၊ မြို့မဈေး၊ ဆားမလောက်ဈေးတွင် ရောင်းချနေသော စားသုံးဆီအရောင်းဆိုင်(၁၀)သို့ သွားရောက်၍ တိုင်းဒေသကြီးဦးစီးမှူးရုံး၏ လမ်းညွှန်ချက်အရ ဆီရောင်းချနေမှုများကို ကွင်းဆင်းဈေးကွက် စောင့်ကြည့်စစ်ဆေးခဲ့ပါသည်။
ကွင်းဆင်းဈေးကွက်စောင့်ကြည့်စစ်ဆေးမှုတွင် မြို့နယ်ဦးစီးမှူးက ဆီရောင်းချသူလုပ်ငန်းများအား စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊စားသုံးဆီတင်သွင်း သိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီအနေဖြင့် ကမ္ဘာ့ဈေးနှုန်းဖြစ်ပေါ်ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ် ထိုက်သည့် စားအုန်းဆီဈေးနှုန်းများ ဖြစ်ပေါ်စေရေး ထိန်းကျောင်း ဆောင်ရွက်လျက်ရှိပြီး ပြည်တွင်းဈေးကွက်၌ ရောင်းဝယ်ဖောက်ကားရမည့် အထိုင်ဈေး အခြေခံလက်ကားရည်ညွှန်းဈေးနှုန်းကို ထုတ်ပြန်ပေးလျက်ရှိပါသည်။ အချို့သောမြို့နယ်များတွင် စားအုန်းဆီဖြန့်ဖြူးရောင်းချ သူအချို့သည် သတ်မှတ်ရည်ညွှန်းဈေးအပေါ် ဖြစ်သင့်ဖြစ်ထိုက်သည့် သယ်ယူပို့ဆောင်မှု စရိတ်အပြင် အမြတ်ရာနှုန်းထက် ပိုမို၍ ရောင်းချမှုမျိုး တွေ့ရှိရပါသည်။
ပြည်တွင်းဈေးကွက်အတွင်း စားအုန်းဆီများကို ဈေးနှုန်းကစားခြင်း၊ မြှင့်တင်ရောင်းချခြင်း၊ သိုလှောင်ခြင်းအပါအဝင် ပြုမှုလုပ်ဆောင်မှုများ ပြုလုပ်ပါက အရေးကြီးကုန်စည်နှင့် ဝန်ဆောင်မှု ဥပဒေအရ ထိရောက်စွာ အရေးယူဆောင်ရွက်သွားမည်ဖြစ်ကြောင်း အသိပညာပေး ပြောကြားခဲ့ပါသည်။
DOCA(ဧရာဝတီ)