ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြို့နယ်ဦးစီးမှူးဦးလှထွဋ်ဦးသည် (၁၀.၅.၂၀၂၄)ရက်နေ့ ၊နံနက်(၀၉:၀၀)နာရီက စက်မှုလယ်ယာဦးစီးဌာန၊ စိုက်ပျိုးရေးဦးစီးဌာနတို့နှင့်ပူးပေါင်း၍ မြောင်းမြမြို့နယ် စစ်ကုန်းကျေးရွာ စာသင်ကျောင်းတွင် ပိုက်ဆံလျှော်မျိုးစေ့ပေးအပ်ပွဲ အခမ်းအနားတွင် စားသုံးသူပြည်သူများအား အသိပညာပေး ဟောပြောဆောင်ရွက်ခဲ့ပါသည်။
ထိုသို့ဟောပြောဆွေးနွေးရာတွင် စီးပွားရေးနှင့်ကူးသန်းရောင်းဝယ်ရေးဦးစီးဌာနမှ ထုတ်ပြန်ထားသော စားသုံးသူကာကွယ်ရေးဥပဒေပါ ၂၀၁၉ ပါပြဌာန်းချက်များမှ စားသုံးသူ၏အခွင့်အရေးနှင့်တာဝန်များအကြောင်း စားသုံးသူများ သိရှိနားလည်နိုင်စေရန် အသေးစိတ်ရှင်းလင်းဆွေးနွေးခဲ့ပါသည်။ စားသုံးသူကာကွယ်ရေးဥပဒေပါ အချက်အလက်များအား သိရှိလိုပါက မြို့နယ်စားသုံးသူရေးရာဦးစီးဌာနရုံးတွင်လည်းကောင်း၊ စားသုံးသူများနစ်နာမှုရှိပါက စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ CICC သို့ လူကိုယ်တိုင်ဖြစ်စေ၊ တယ်လီဖုန်းဖြင့်ဖြစ်စေ တိုင်ကြားနိုင်ပါကြောင်း ဟောပြောခဲ့ပါသည်။ ဟောပြောပွဲသို့ ပြည်သူ(၄၅)ဦးတက်ရောက်ခဲ့ကြောင်း သိရှိရပါသည်။
DOCA(ဧရာဝတီ)