ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ အိမ်မဲမြို့နယ်တာဝန်ခံဒေါ်ဇင်မာသန်းသည် (၁၀.၅.၂၀၂၄) ရက်နေ့၊ နံနက်(၁၀:၀၀)နာရီတွင် မြို့နယ်စည်ပင်နှင့် ပူးပေါင်းပြီး မြို့မဈေးအတွင်းရှိ ဆန်ဆိုင်များ၊ ဝါးခယ်မမြို့နယ် တာဝန်ခံဦးအောင်မိုးသည် (၁၀.၅.၂၀၂၄)ရက်နေ့၊ နံနက်(၁၁:၀၀)နာရီတွင် မြို့နယ်စည်ပင်နှင့် ပူးပေါင်းပြီး မြို့မဈေးနှင့် ရပ်ကွက်အတွင်းရှိ ဆန်ဆိုင်များ၊ လပွတ္တာမြို့နယ် တာဝန်ခံဦးမြင့်ဌေးသည် (၁၀.၅.၂၀၂၄)ရက်နေ့ နံနက်(၁၁:၀၀) နာရီတွင် မြို့နယ်စည်ပင်နှင့်ပူးပေါင်းပြီး အမှတ်(၅)ရပ်ကွက်အတွင်းရှိ ဆန်ဆိုင်နှင့် ဆန်ဂိုဒေါင်များ၊ မော်ကျွန်းမြို့နယ် တာဝန်ခံ ဦးမင်းဇော်လတ်သည် (၁၀.၅.၂၀၂၄)ရက်နေ့ နံနက်(၁၁:၀၀)နာရီတွင် မြို့နယ်စည်ပင်နှင့်ပူးပေါင်းပြီး အောင်သာယာဈေးနှင့် အမှတ်(၅)ရပ်ကွက်အတွင်းရှိ ဆန်ဆိုင်နှင့် ဆန်ဂိုဒေါင်များအား ဆန်ပြတ်လပ်မှုမရှိစေရေး၊ ဈေးနှုန်းကြီးမြင့်မှုမရှိစေရေးနှင့် ဈေးနှုန်းများတည်ငြိမ်စေရေးအတွက် အဖွဲ့များဖြင့် ကွင်းဆင်းစစ်ဆေးဆောင်ရွက်ခဲ့ပါသည်၊
ထိုသို့ ကွင်းဆင်းစစ်ဆေးရာတွင် ဆန်ဆိုင်ကြီးများအနေဖြင့်စားသုံးသူပြည်သူများ၏ လိုအပ်ချက်အပေါ် မူတည်၍ ဆန်မျိုးစုံအား ရောင်းချပေးလျက်ရှိပြီး ဈေးနှုန်းမြှင့်တင်ရောင်းချရန် ဆန်များ သိုလှောင်ထားခြင်းမရှိကြောင်း စစ်ဆေးတွေ့ရှိရပါသည်။ ဆန်ဆိုင်ပိုင်ရှင်များအား ဈေးနှုန်းမြှင့်တင်ရောင်းချခြင်း စစ်ဆေးတွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူသွားမည်ဖြစ်ကြောင်း၊ ဌာနမှထုတ်ပြန်ထားသည့် ဥပဒေညွှန်ကြားချက်များအား လိုက်နာဆောင်ရွက်ကြရန် အသိပေးဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)