ပဲခူးတိုင်းဒေသကြီး၊ နတ်တလင်းခရိုင်၊ နတ်တလင်းမြို့နယ်၊ ရွာသာကုန်းအုပ်စု၊ ရှမ်းကုန်း ကျေးရွာတွင် (၁၃.၅.၂၀၂၄) ရက်နေ့၊ နေ့လယ် (၁၃:၀၀)နာရီ၌ နတ်တလင်းခရိုင် စားသုံးသူရေးရာဦးစီးဌာနနှင့် ခရိုင်ကျေးလက်ဒေသဖွံ့ဖြိုးရေးဦးစီးဌာနတို့ ပူးပေါင်း၍ အဂတိလိုက်စားမှု တားဆီးကာကွယ်ရေးနှင့် စားသုံးသူကာကွယ်ရေး အသိပညာပေးဟောပြော ဆွေးနွေးပွဲပြုလုပ်ခဲ့ပါသည်။
အဆိုပါဟောပြောဆွေးနွေးပွဲတွင် စားသုံးသူရေးရာဦးစီးဌာနအနေဖြင့် တက်ရောက်လာသူများအား စားသုံးသူကာကွယ်ရေးဥပဒေအကြောင်း စားသုံးသူများရရှိမည့် အခွင့်အရေးများနှင့်တာဝန်များ၊ စားသုံးသူနစ်နာဆုံးရှုံးမှုနှင့် စပ်လျဉ်းသည့် ကိစ္စရပ်များတွင် ရှင်းလင်းတင်ပြခွင့်နှင့် တိုင်ကြားခွင့် ရရှိနိုင်ခြင်းအကြောင်းနှင့် တိုင်ကြားနိုင်သည့် နည်လမ်းများအကြောင်း ရှင်းလင်းဆွေးနွေးခဲ့ပါသည်။ အဆိုပါ ဟောပြောဆွေးနွေးပွဲသို့ (၅၇)ဦး တက်ရောက်ခဲ့ကြောင်း သိရှိရပါသည်။
DOCA(ပဲခူး)