စားသုံးသူရေးရာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်တာဝန်ခံ ဒုတိယ ဦးစီးမှူး ဒေါ်ဌေးဌေးဝင်းသည် (၁၃.၅.၂၀၂၄)ရက်နေ့၊ နံနက်(၀၇:၀၀)နာရီအချိန်တွင် ပွင့်ဖြူမြို့နယ်၊ မြို့မဈေးအတွင်းတွင် ကျင်းပသော ပလတ်စတစ်ကြွပ်ကြွပ်အိတ်သုံးစွဲမှုလျော့ချစေရေး Campaing များပြုလုပ်ခြင်းနှင့် စားသုံးသူများအား အစားအစာဘေးကင်းလုံခြုံစွာ စားသုံးနိုင်စေရေးအတွက် ကွင်းဆင်းပူးပေါင်း ဆောင်ရွက်ခဲ့ပါသည်။
ထိုသို့ ကွင်းဆင်းဆောင်ရွက်ရာတွင် မြို့နယ်စည်ပင်သာယာရေးအဖွဲ့မှ ဝန်ထမ်းများ၊ ဈေး ကော်မတီဝင်များ၊ စားသုံးသူရေးရာဦးစီးဌာနမှ မြို့နယ်တာဝန်ခံ ဒုတိယဦးစီးမှူး ဒေါ်ဌေးဌေးဝင်းနှင့် ဌာနဆိုင်ရာများ ပူးပေါင်းအဖွဲ့များသည် မြို့မဈေးအတွင်း ရောင်းချလျက်ရှိသော ဈေးသည်များအား အပါတ်စဉ်တနင်္လာနေ့တိုင်း ပလတ်စတစ်ကြွပ်ကြွပ်အိတ်အား သုံးစွဲခြင်းမပြုကြရန်နှင့် ကြွပ်ကြွပ်အိတ်အစား ငှက်ပျောဖတ်၊ အင်ဖတ်၊ ကြာဖတ်များနှင့် သတင်းစာစက္ကူများ သုံးစွဲကြရန်နှင့် မိမိတို့ မြို့ရွာနှင့်မိမိပတ်ဝန်းကျင်သာယာလှပပြီး ကျန်းမာရေးဆိုးကျိုးများဖြစ်စေနိုင်သော အသိပညာပေးများ ဖြန့်ဝေခဲ့ပြီး ပွင့်ဖြူမြို့ မြို့မဈေးအတွင်းရှိ ကုန်စုံဆိုင်များ၌ ရောင်းချနေသော အသင့်စားခေါက်ဆွဲခြောက် “MAMA ပုဇွန်ချဉ်စပ်” အမှတ်တံဆိပ်အား ကုန်အညွှန်းအမှတ်အသားပြည့်စုံစွာပါဝင်ခြင်းရှိ/မရှိ စစ်ဆေးဆောင်ရွက်ခြင်းများကိုလည်း မိတ်ဖက်ဌာနများနှင့်အတူ ပူးပေါင်း ဆောင်ရွက်ခဲ့ပါသည်။
ထိုနောက် ပွင့်ဖြူမြို့နယ်တာဝန်ခံသည် ကုန်စုံဆိုင်တွင် ရောင်းချနေသော ဈေးဆိုင်ပိုင်ရှင်များအား စားသုံးသူများဘေးအန္တရာယ်ကင်းပြီး လုံခြုံစိတ်ချရမှုရှိသော ကုန်အညွှန်းအမှတ်အသား များပြည့်စုံစွာပါရှိသော စားသောက်ကုန်များကိုသာ ရောင်းချကြပါရန်နှင့် စားသုံးသူကာကွယ်ရေး ဥပဒေ(၂/၂၀၁၉) အခန်း(၁၀)ရှိ စီးပွားရေးလုပ်ငန်းရှင်များ လိုက်နာရမည့် တာဝန်များအား ဆွေးနွေးခဲ့ပြီး လက်ကမ်းစာစောင်များ ဖြန့်ဝေခဲ့ကြောင်း သိရှိရပါသည်။
DOCA(မကွေး)