မြိတ်ခရိုင်ဆီလုပ်ငန်းရှင်များအသင်းတာဝန်ရှိသူနှင့် ဆီရောင်းကိုယ်စားတို့သည် ၂၀၂၄ခုနှစ်၊ မေလ(၂၉) ရက်နေ့တွင် တနင်္သာရီတိုင်းဒေသကြီး၊ မြိတ်ခရိုင်စားသုံးသူရေးရာဦးစီးဌာန ခေတ္တခရိုင် ဦးစီးမှူးနှင့် တွေ့ဆုံပြီး ဇွန်လမူသစ်ဖြင့် စားအုန်းဆီရောင်းချမည့်အခြေအနေများအား တွေ့ဆုံဆွေးနွေးခဲ့ကြပါသည်။
တွေ့ဆုံဆွေးနွေးရာတွင် မြိတ်ခရိုင်ဆီကုန်သည်အသင်းမှ စားအုန်းဆီရောင်းချနေမှုလုပ်ငန်းစဉ်များ ဆွေးနွေးခြင်းနှင့် မြိတ်ခရိုင်ဆီကိုယ်စားလှယ်များအနေဖြင့် စားအုန်းဆီရောင်းချမည့်အခြေအနေများအား ရှင်းလင်းဆွေးနွေးခဲ့ပါသည်။ ထိုနောက် မြိတ်ခရိုင်စားသုံးသူရေးရာဦးစီးဌာနမှ စားအုန်း ဆီရောင်းချရာတွင် သတ်မှတ်ရည်ညွှန်းစျေးအတိုင်းရောင်းချရန်နှင့် အလေးချိန်မှန်ကန်စွာရောင်းချရန်၊ ဆီလက်ဝယ်သိုလောင်ခြင်းမျိုးမဖြစ်စေရန်နှင့် မိမိတို့ဒေသတွင် ဆီပြတ်လပ်မှုမရှိစေရေး ဆောင် ရွက်ရမည့်အကြောင်း ပြောကြားခဲ့ကြောင်း သတင်းရရှိပါသည်။
DOCA(တနင်္သာရီ)