၂၀၂၄ ခုနှစ် ၊ ဇွန်လ(၃)ရက် နံနက်(၀၈:၀၀)နာရီအချိန်တွင် စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ အမှတ်(၃)ရပ်ကွက်နှင့် အမှတ်(၄)ရပ်ကွက်ရှိ ပြည်သူများကို ကန့်ဘလူခရိုင်ဆီလုပ်ငန်းရှင်များအသင်းမှ စားအုန်းဆီများ ရောင်းချပေးခဲ့ရာ စားသုံးသူပြည်သူများ ကျန်းမာရေးနှင့်ညီညွတ်သော စားသုံးဆီများကိုသုံးစွဲနိုင်ရေး၊ ဈေးနှုန်းတည်ငြိမ်စွာဖြင့် ဝယ်ယူစား သုံးနိုင်စေရေးတို့အတွက် စားသုံးသူရေးရာဦးစီးဌာနမှ ကန့်ဘလူမြို့နယ်တာဝန်ခံ ဦးမျိုးဝင်းသန်းသည် စားအုန်းဆီရောင်းချမှု အခြေအနေအား ကွင်းဆင်းစိစစ်ခဲ့ကြောင်း သိရသည်။
အဆိုပါ စားအုန်းဆီရောင်းချပေးရာတွင် ပြည်သူတစ်ဦးလျှင်(၁)ပိဿာနှုန်း စားအုန်းဆီ (၁)ပိဿာလျှင် ၅၉၅၀ ကျပ်ဖြင့် ရောင်းချပေးခဲ့ပြီး ကန့်ဘလူမြို့ အမှတ်(၃)ရပ်ကွက်နှင့် အမှတ်(၄)ရပ်ကွက်ရှိ သတ်မှတ်နေရာများတွင် ပြည်သူ(၂၂၃၁)ဦးအတွက် စားအုန်းဆီ ၂၂၃၁ ပိဿာ ရောင်းချပေးခဲ့ကြောင်း ကန့်ဘလူခရိုင်ဆီလုပ်ငန်းရှင်များအသင်းထံမှ သိရသည်။
DOCA(စစ်ကိုင်း)