မွန်ပြည်နယ် မုဒုံမြို့နယ်တွင် ၂၀၂၄ ခုနှစ် “ကမ္ဘာ့ပတ်ဝန်းကျင်ထိန်းသိမ်းရေးနေ့” အထိမ်းအမှတ်အဖြစ် သစ်ပင်စိုက်ပျိုးပွဲကို ၅.၆.၂၀၂၄ ရက်နေ့ နံနက် ၈ နာရီက မြို့မ (၄) ရပ်ကွက်ရှိ ကန်ကြီးမြန်မာသုဿာန်ဝင်း၌ ကျင်းပပြုလုပ်ခဲ့ရာ စားသုံးသူရေးရာဦးစီးဌာန၊ မုဒုံမြို့နယ်တာဝန်ခံ တက်ရောက်ခဲ့ကြောင်း သိရှိရသည်။
အခမ်းအနားသို့ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးပြည်သိမ်းနှင့် အဖွဲ့ဝင်များ၊ မြို့နယ်သစ်တောဦးစီးအရာရှိ ဦးကျော်ဇောအောင်နှင့် ဝန်ထမ်းများ၊ စားသုံးသူရေးရာဦးစီးဌာနမှ မုဒုံမြို့နယ်တာဝန်ခံနှင့် ဌာနဆိုင်ရာတာဝန်ရှိသူများ တက်ရောက်ခဲ့ကြပြီး စိုက်ပျိုးမည့်လူထုဖြန့်ပျိုးပင်များကို အမျိုးသမီးရေးရာအဖွဲ့၊ လူမှုကူညီရေးအသင်းအဖွဲ့များနှင့် ဒေသခံပြည်သူများအား တာဝန်ရှိသူများက ပေးအပ်ခဲ့ကြောင်း သိရှိရပါသည်။
ထို့နောက် ကျွန်း၊ပျဥ်းကတိုး၊ မဟော်မနီ၊ မန်ဂျန်ရှား၊ အော်ရီရှား၊ စိန်ပန်းကြီး၊ ပျဥ်းမ၊ သင်္ကန်း အရိပ်ရပျိုးပင် စုစုပေါင်း ၁၀၀၀ ကို တက်ရောက်လာကြသူများက တပျော်တပါး စိုက်ပျိုးခဲ့ကြကြောင်း သိရသည်။
DOCA(မွန်)