ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ် စားသုံးသူရေးရာ ဦးစီးဌာန မှ ခရိုင်ဦးစီးမှူး ဦးထွေးသိမ်း၊မြို့နယ်တာဝန်ခံဒေါ်ခင်စန်းအေးနှင့် ဝန်ထမ်းများသည် ဘိုကလေးမြို့ နယ်ရှိ စားသုံးဆီဖြန့်ဖြူးရောင်းချနေသော လုပ်ငန်းရှင်(၂၈)ဦးတို့ အား ၂၀၂၄ ခုနှစ်၊ ဇွန်လ ( ၅ ) ရက်နေ့ ၊ နံနက် (၁၁:၀၀) နာရီအချိန်တွင် မြို့နယ်တာဝန်ခံရုံးတွင် စားသုံးသူကာကွယ်ရေး အသိပညာပေးခြင်း ဆောင်ရွက်ခဲ့ပါသည်။
ခရိုင်ဦးစီးမှူးနှင့် မြို့နယ်တာဝန်ခံတို့မှ ဆီအမျိုးမျိုးတွင် ချိတ်ပိတ်ဆီဘူးများအား မြန်မာ ဘာသာဖြင့် ရေးသားဖော်ပြထားသော ကုန်အညွှန်းအမှတ်အသား ဖော်ပြချက်များ ပါဝင်မှု ရှိ/မရှိ ၊ ပုဇွန်တံဆိပ်ချိတ်ပိတ် ဆီဘူးများအကြောင်း၊ ဆီအတုအပ ရောနှောဆီများတွင် (ပဲဆီ၊နှမ်းဆီ၊နေကြာဆီ) များမရှိကြောင်း၊ ရောနှောဆီမဖြစ်ရန် လိုအပ်ကြောင်း၊ သတ်မှတ် ရည်ညွန်းဈေးနှုန်းအတိုင်း ဆိုင်းဘုတ်တင်ရောင်းချရမည်ဖြစ်ကြောင်း၊ တရားမဝင်ကုန်စည် များနှင့် ပက်သက်၍လည်း ဝယ်ယူ ရောင်းချခြင်းများမပြုရန် တိုက်တွန်းဆွေးနွေး အသိပညာပေးမှုအပေါ် သတင်းရရှိပါသည်။
DOCA(ဧရာဝတီ)