တနင်္သာရီတိုင်းဒေသကြီး၊ မြိတ်ခရိုင်စားသုံးသူရေးရာဦးစီးဌာနနှင့် မြို့နယ်ပြည့်သူ့ကျန်းမာရေးဦးစီးဌာနတို့ပူးပေါင်း၍ ၂၀၂၄ခုနှစ်၊ ဧပြီလ(၁၁) ရက်နေ့၊ နံနက်(၁၁း၀၀)နာရီအချိန်တွင် မြိတ်မြို့၊ မြစ်ငယ်ရပ်၊ အထက(၁)ကျောင်းပတ်ဝန်းကျင်ရှိမုန့်စျေးဆိုင်များအား စားသုံးသူများဘေးကင်းလုံခြုံစေရေးကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။
ကွင်းဆင်းစစ်ဆေးရာတွင် စားသုံးရန်မသင့်သောအစားအသောက်များ၊ အစားအစာများ၊ သက်တမ်းလွန်စားသောက်ကုန်များ ရောင်းချမှုမရှိစေရေးစစ်ဆေးခဲ့ပြီး အစားအသောက်များတွင် ခြင်၊ ယင်များမနားစေရန် အုပ်ဆောင်းများ၊ အဖုံးများဖြင့်ရောင်းချရန်၊ ကလေးကစားစရာပစ္စည်းများ ရောင်းချပါက အန္တရာယ်ဖြစ်စေနိုင်သော အရာများအားမရောင်းချရန်ပြောကြားခဲ့ပြီး လက်ကမ်းစာစောင်များ ဖြန့်ဝေပေးခဲ့ကြောင်း သတင်းရရှိပါသည်။
DOCA(တနင်္သာရီ)