တနင်္သာရီတိုင်းဒေသကြီး၊ မြိတ်ခရိုင်စားသုံးသူရေးရာဦးစီးဌာနသည် ၂၀၂၄ခုနှစ်၊ ဧပြီလ(၁၁) ရက်နေ့၊ နံနက်(၁၀း၀၀)နာရီအချိန်တွင် မြို့နယ်ပြည်သူ့ကျန်းမာရေးဦးစီးဌာနတို့ဖြင့် အမှတ်(၁)၊ အခြေခံပညာအထက်တန်းကျောင်းရှိ ကျောင်းသား/ကျောင်းသူ၊ ဆရာ၊ ဆရာမများအား ကျန်းမာရေး ဆိုင်ရာ အသိပညာပေးဟောပြောခြင်းနှင့် စားသုံးသူကာကွယ်ရေးဆိုင်ရာ သိကောင်းစရာများအကြောင်း ဟောပြောဆွေးနွေးခဲ့ကြပါသည်။
အဆိုပါဟောပြောပွဲတွင် အမှတ်(၁)အခြေခံပညာအထက်တန်းကျောင်း၊ ကျောင်းအုပ်ဆရာမ ကြီးက မိတ်ဆက်အမှာစကားပြောကြားခဲ့ပြီး ကျန်းမာရေးဦးစီးဌာနက မိုးရာသီအတွက်ဖြစ်ပေါ်လေ့ရှိသော ရောဂါများအကြောင်း၊ ရောဂါဖြစ်ပေါ်လာပါက အခြေအနေပေါ်မူတည်ပြီး ဆေးရုံး/ဆေး ဆန်းသွားရောက်ရန်အဆင့်များ၊ မိုးရာသီသွေးလွန်တုတ်ကွေးမဖြစ်ပေါ်စေရန် ကာကွယ်ရမည့်နည်းလမ်းများအကြောင်း ပြောကြားခြင်းနှင့် စားသုံးသူရေးရာဦးစီးဌာနက မိမိတို့သည် စားသုံးသူများဖြစ် သည့်အတွက် စားသုံးသူအခွင့်အရေး၊ တာဝန်များအကြောင်း၊ စားသုံးသူနစ်နာမှုရှိပါက စားသုံးသူရေးရာဦးစီးဌာနသို့ တိုင်ကြားနိုင်ကြောင်း၊ ထုတ်ကုန်များတွင် မြန်မာဘာသာဖြင့်ကုန်အညွှန်းအမှတ်အသား ဖော်ပြရခြင်းအကြောင်း၊ အစားအစာစားသောက်ရာတွင် လိုက်နာသင့်သည့် အချက်များအား ပြောကြားခဲ့ပြီး လက်ကမ်းစာစောင်များ ဖြန့်ဝေပေးခဲ့ကြပါသည်။ ဟောပြောပွဲကို ဆရာ/ဆရာမ၊ ကျောင်းသား၊ ကျောင်းသူ စုစုပေါင်း(၃၅၀)ခန့်တက်ရောက်ခဲ့ကြောင်း သတင်းရရှိပါသည်။
DOCA(တနင်္သာရီ)