ဖျာပုံခရိုင် စားသုံးသူရေးရာဦးစီးဌာန ၊ ခရိုင်ဦးစီးမှူး ဦးထွေးသိမ်း၊ မြို့နယ်တာဝန်ခံ ဦးမင်းဇော်နှင့် ဝန်ထမ်းများသည် ၂၀၂၄ ခုနှစ်၊ ဇွန်လ (၇) ရက်နေ့ ၊ နေ့လယ် (၁၃:၀၀) နာရီအချိန်တွင ဖျာပုံမြို့ ပြည်သူ့ဆေးရုံကြီးတွင် သူနာပြု သင်တန်းဆင်း သင်တန်းသူ/သားများအား အသိပညာပေး ဟောပြောခဲ့ပါသည်။
အဆိုပါ ဟောပြောရာတွင် ခရိုင်ဦးစီးမှူး ဦးထွေးသိမ်းမှ စားသုံးသူရေးရာဦးစီးဌာန စတင်ဖြစ်ပေါ်လာပုံနှင့် စားသုံးသူရေးရာဦးစီးဌာနအနေဖြင့် လက်ရှိလုပ်ဆောင်လျက်နေသော လုပ်ငန်းတာဝန်များအပြင် စားသုံးသူ၏အခွင့်အရေးနှင့် တာဝန်များအကြောင်း ၊ စားသုံးသူများ နစ်နာဆုံးရှုံးမှုများ ပေါ်ပေါက်လာပါက လူကိုယ်တိုင် လာရောက်ဆက်သွယ် တိုင်ကြားနိုင်ကြောင်း (သို့) Call Centre 1535 မှလည်း ဆက်သွယ်တိုင်ကြားနိုင်ကြောင်း အသိပညာပေးဟောပြောခဲ့ပါသည်။ ထို့အပြင် မြို့နယ်တာဝန်ခံ ဦးမင်းဇော်က အစားအသောက်နှင့် ဆေးဝါးပစ္စည်းများတွင် သက်ဆိုင်ရာဌာနများ၏ ထောက်ခံချက်များနှင့် ကုန်အညွှန်းအမှတ်အသားဖော်ပြချက်များအကြောင်း ၊ ဓာတ်မတည့်ကြောင်း ဖော်ပြချက်များနှင့် တွဲဖက်စားသုံးရန်မသင့်သော အစားအစာများအကြောင်းတို့ကို ဆွေးနွေးဟောပြောအသိပညာပေးခဲ့ပါသည်။ Online မှ ဝယ်ယူသောပစ္စည်းများကို ကုန်အညွှန်းအမှတ်အသား သေချာစွာစိစစ်ဖတ်ရှု၍ အသုံးပြုရန်လိုကြောင်းနှင့် Online Sales မှတ်ပုံတင်ခြင်းဆိုင်ရာ ကိစ္စရပ်များကို ထပ်ဆင့်အသိပညာပေးဟောပြောခဲ့သည်ဟု သတင်းရရှိပါသည်။
DOCA(ဧရာဝတီ)