စားသုံးသူရေးရာဦးစီးဌာန၊ တောင်ငူမြို့နယ်တာဝန်ခံ ဦးမြင့်သူသည် မြို့နယ်စီမံအုပ်ချုပ်ရေးအဖွဲ့ဥက္ကဌ ဦးဉာဏ်လင်းအောင်ဦးဆောင်သော မြို့နယ်အဆင့်ဌာနဆိုင်ရာတာဝန်ရှိသူများပါဝင်သော အဖွဲ့ဝင်များနှင့်အတူ ၂၀၂၄ခုနှစ် ဇွန်လ ၁၁ ရက်နေ့ နံနက်ပိုင်းက တောင်ငူမြို့နယ် ချောင်းဖြူကျေးရွာရှိ တောင်သူလယ်သမားများနှင့် မိသားစုဝင်များအား တွေ့ဆုံ၍ သက်ဆိုင်ရာဌာနဆိုင်ရာများအလိုက် အသိပညာပေးဆွေးနွေးရာတွင် စားသုံးသူကာကွယ်ရေးဆိုင်ရာများကို အသိပညာပေး ဆွေးနွေးခဲ့ပါ သည်။
အခမ်းအနားတွင် စားသုံးသူရေးရာဦးစီးဌာန မြို့နယ်တာဝန်ခံက စားသုံးသူရေးရာဦးစီးဌာန ပေါ်ပေါက်လာပုံ၊ စားသုံးသူ၏အခွင့်အရေးနှင့်တာဝန်များ၊ စားသုံးသူနစ်နာဆုံးရှုံးမှု မဖြစ်စေရေးအတွက် ဦးစီးဌာနမှ ဆောင်ရွက်နေမှုများ၊ တောင်သူလယ်သမားများအနေဖြင့် သွင်းအားစုများ၊ လယ်ယာသုံးစက်ကိရိယာများအပါအဝင် ကုန်စည်နှင့်ဝန်ဆောင်မှုများဝယ်ယူသုံးစွဲရာတွင် နစ်နာဆုံးရှုံးမှုများ ဖြစ်ပေါ် ပါက တိုင်ကြားနိုင်ခြင်းနှင့် တိုင်ကြားရန်လိုအပ်ပုံများ၊ စားသုံးသူတိုင်ကြားမှုများအပေါ် ဌာနမှဖြေရှင်း ဆောင်ရွက်ပေးနေမှုများကို ရှင်းလင်းဆွေးနွေးပါသည်။
ထို့အတူ အထွေထွေအုပ်ချုပ်ရေးဦးစီးဌာန၊ လူဝင်မှုကြီးကြပ်ရေးနှင့်အမျိုးသားမှတ်ပုံတင်ရေးဦးစီးဌာန၊ ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာန၊ စက်မှုလယ်ယာဦးစီးဌာန၊ စိုက်ပျိုးရေး ဦးစီးဌာနနှင့် ကြေးတိုင်နှင့်မြေစာရင်းဦးစီးဌာနမှ တာဝန်ရှိသူများက သက်ဆိုင်ရာဌာနဆိုင်ရာများအလိုက် အသိပညာပေးဆွေးနွေးခဲ့ကြောင်းနှင့် အသိပညာပေးဆွေးနွေးပွဲသို့ ချောင်းဖြူကျေးရွာမှ တောင်သူလယ်သမားများနှင့် မိသားစုဝင်များ စုစုပေါင်း (၅၆)ဦး တက်ရောက်ကြောင်း သိရပါသည်။
DOCA(ပဲခူး)